మైత్రీ మూవీ మేకర్స్ బ్యానర్ పై రాజేంద్ర రెడ్డి దర్శకత్వంలో కళ్యాణ్ రామ్, ఆషిక రంగనాథ్ జంటగా తెరకెక్కుతున్న అమిగోస్ మూవీ ఫిబ్రవరి 10, 2023 న రిలీజ్ కానుంది. ఈ మూవీలో బ్రహ్మాజీ, సప్తగిరి, రవి ప్రకాష్, శివన్నారాయణ, చైతన్య కృష్ణ, రఘు కారుమంచి, కళ్యాణి నటరాజన్, రాజశ్రీ నాయర్, సోనాక్షి వర్మ తదితరులు నటిస్తున్నారు. జిబ్రాన్ సంగీతం అందింస్తున్నారు. మైత్రీ మూవీ మేకర్స్ సంస్థ నూతన సంవత్సర శుభాకాంక్షలు తెలియజేస్తూ కళ్యాణ్ రామ్ ఫస్ట్ లుక్ పోస్టర్ విడుదల చేసింది. పారిశ్రామిక వేత్త సిద్దార్థ్గా కనిపించనున్న కళ్యాణ్ రామ్ ఫస్ట్ లుక్ పోస్టర్ ప్రేక్షకులను ఆకట్టుకుంది. ఈ మూవీలో హీరో మూడు పాత్రలలో నటించడం విశేషం.
అమిగోస్ చిత్రయూనిట్ రిలీజ్ చేసిన పోస్టర్స్, టీజర్, ఎన్నో రాత్రులొస్తాయి రీమిక్స్ సాంగ్ ప్రేక్షకులను విశేషంగా ఆకట్టుకున్నాయి. ప్రొడక్షన్ హౌస్ నుండి లేటెస్ట్ అప్డేట్ ప్రకారం ఫిబ్రవరి 3న అమిగోస్ మూవీ థియేట్రికల్ ట్రైలర్ లాంచ్ కానుంది. ట్రైలర్ విడుదల తేదీని అనౌన్స్ చేస్తూ మేకర్స్ కళ్యాణ్ రామ్ అద్భుతమైన పోస్టర్ను విడుదల చేశారు. బ్లాక్ బస్టర్ బింబిసార మూవీ తరువాత కళ్యాణ్ రామ్ హీరోగా తెరకెక్కిన అమిగోస్ మూవీపై భారీ అంచనాలు నెలకొన్నాయి.