నితిన్ స్వంత బ్యానర్స్ పై పాన్ ఇండియా మూవీ కబ్జ రిలీజ్
Upendra Kabzaa Telugu states rights grabbed by Nithin

టాలీవుడ్ యూత్ స్టార్ నితిన్ హీరోగా ఇప్పుడు పలు సినిమాలలో బిజీగా ఉండగా ఈ చిత్రాలతో పాటుగా తాను తెలుగు రాష్ట్రాలలో పలు చిత్రాలు డిస్ట్రిబ్యూషన్ కూడా చేస్తాడన్న సంగతి తెలిసిందే. గత సంవత్సరం విక్రమ్ తమిళ మూవీ తెలుగు డబ్బింగ్ వెర్షన్ ను రిలీజ్ చేయగా ఆ చిత్రం సెన్సేషనల్ హిట్ అయ్యి భారీ లాభాలు కూడా తెచ్చిపెట్టింది. ఇప్పుడు నితిన్ మరో భారీ సినిమాని తెలుగులో రిలీజ్ చేస్తున్నట్టుగా అనౌన్స్ చేశారు.
శ్రీ సిద్దేశ్వర ఎంటర్ ప్రైజెస్ బ్యానర్ పై ఆర్ చంద్రు దర్శకత్వంలో కన్నడ సూపర్ స్టార్ ఉపేంద్ర హీరోగా పీరియాడికల్ గ్యాంగ్ స్టార్ యాక్షన్ థ్రిల్లర్ కబ్జ కన్నడ మూవీ మార్చి 17 వ తేదీ పాన్ ఇండియా మూవీ గా రిలీజ్ కానుంది. కిచ్చా సుదీప్ , శ్రియ కీలక పాత్రలలో నటించారు. రవి బస్రూర్ సంగీతం అందించారు. కబ్జ మూవీ డబ్బింగ్ వెర్షన్ ను తమ బ్యానర్స్ రుచిర ఎంటర్టైన్మెంట్స్ మరియు ఎన్ సినిమాస్ తో రిలీజ్ చేస్తున్నట్టుగా హీరో నితిన్ సోషల్ మీడియా ద్వారా ప్రకటించారు. కబ్జ మూవీ తెలుగు వెర్షన్ ను తమ స్వంత బ్యానర్స్ ద్వారా మీ ముందుకు తీసుకొస్తున్నాం అని నితిన్ ట్వీట్ చేశారు.







