గ్రాండ్ గా ప్రారంభం కానున్న #NANI 30
Nani 30 Movie grand launch on 31st January

విభిన్న కథా చిత్రాలలో అద్భుతంగా పెర్ఫార్మ్ చేస్తూ ప్రేక్షకులను అలరిస్తున్న న్యాచురల్ స్టార్ నాని మరో డిఫరెంట్ స్టోరీతో తెరకెక్కుతున్న దసరా మూవీ తో ప్రేక్షకులను అలరించనున్నారు. శ్రీ లక్ష్మి వెంకటేశ్వర సినిమాస్ బ్యానర్ పై శ్రీకాంత్ ఓదెల దర్శకత్వంలో హీరో నాని, కీర్తి సురేష్ జంటగా సింగరేణి కోల్ మైన్స్ బ్యాక్ డ్రాప్ లో తెరకెక్కుతున్న మాస్ యాక్షన్ ఎంటర్ టైనర్ దసరా మూవీ మార్చి 30 వ తేదీ రిలీజ్ కానుంది. దసరా చిత్ర యూనిట్ రిలీజ్ చేసిన పోస్టర్స్, సాంగ్ ప్రేక్షకులను విశేషంగా ఆకట్టుకున్నాయి.
దసరా మూవీ తరువాత వైరా ఎంటర్ టైన్ మెంట్స్ బ్యానర్ పై శౌర్యువ్ దర్శకత్వంలో తెరకెక్కనున్న NANI 30 మూవీ కి నాని గ్రీన్ సిగ్నల్ ఇచ్చిన విషయం తెలిసిందే. ఈమూవీ లో సూపర్ హిట్ సీతారామం మూవీ ఫేమ్ మృణాల్ ఠాకూర్ కథానాయిక. వైరా ఎంటర్టైన్మెంట్స్ బ్యానర్పై ప్రొడక్షన్ నెంబర్ 1గా రాబోతున్న ఈ చిత్రాన్ని జనవరి 31న పూజా కార్యక్రమాలతో ఈ సినిమా ప్రారంభం కానుందనీ.. ఫిబ్రవరి 1 నుంచి ఈ మూవీ రెగ్యులర్ షూటింగ్ జరుపుకోనున్నదనీ మేకర్స్ అనౌన్స్ చేశారు. ఈ చిత్రానికి హెశమ్ అబ్దుల్ వహబ్ మ్యూజిక్ అందిస్తున్నారు.








