మరోసారి బాలకృష్ణ కు జోడీగా హనీ రోజ్
Honey Rose to pair up with Balakrishna for 2nd time

బాయ్ ఫ్రెండ్ (2005 ) మూవీతో మలయాళ చిత్ర పరిశ్రమలో కెరీర్ ప్రారంభించిన హనీ రోజ్ ముదల్ కనవే మూవీ తో కోలీవుడ్, ఆలయం మూవీతో టాలీవుడ్, అజంతా మూవీతో శాండల్ వుడ్ కు పరిచయం అయ్యారు. దక్షిణాది భాషల పలు మూవీస్ లో తన అందం, అభినయంతో ప్రేక్షకులను ఆకట్టుకున్న హనీ రోజ్ లేటెస్ట్ గా బ్లాక్ బస్టర్ వీర సింహరెడ్డి మూవీలో బాలకృష్ణకు జోడీగా నటించారు. హనీ రోజ్ ఫస్ట్ ఆఫ్ లో ఓల్డ్ క్యారెక్టర్ గా... సెకండ్ హాఫ్ లో యంగ్ బ్యూటీగా కనిపించి మెప్పించింది. ఆమె అందాలకి ప్రేక్షకులు ఫిదా అయ్యారు .
షైన్ స్క్రీన్స్ బ్యానర్ పై సక్సెస్ ఫుల్ చిత్ర దర్శకుడు అనిల్ రావిపూడి దర్శకత్వంలో బాలకృష్ణ హీరోగా #NBK108 మూవీ తెరకెక్కుతున్న విషయం తెలిసిందే. శరవేగంగా చిత్రీకరణ జరుపుకుంటున్న ఈ మూవీ లో శరత్ కుమార్, శ్రీ లీల కీలక పాత్రలలో నటిస్తున్నారు. థమన్ ఎస్ సంగీతం అందిస్తున్నారు. ఈ మూవీ లో బాలకృష్ణకు జోడీగా హనీ రోజ్ ఎంపిక అయినట్టు సమాచారం. సో మలయాళ బ్యూటీ హనీ రోజ్ లక్కీ ఛాన్స్ కొట్టేసినట్టే.







