వీర సింహారెడ్డి మూవీ ప్రీ రిలీజ్ ఈవెంట్ కు బాలకృష్ణ కటౌట్స్ హంగామా
Veera simha reddy pre release event hungama

మైత్రీ మూవీ మేకర్స్ బ్యానర్ పై గోపీచంద్ మలినేని దర్శకత్వంలో బాలకృష్ణ హీరోగా వాస్తవ సంఘటనలతో రాయలసీమ ఫ్యాక్షనిజం బ్యాక్ డ్రాప్ గా యాక్షన్ ఎంటర్ టైనర్ వీర సింహారెడ్డి మూవీ సంక్రాంతి కానుకగా జనవరి 12 వ తేదీ రిలీజ్ కానుంది. శృతి హాసన్ కథానాయిక. వరలక్ష్మి శరత్ కుమార్, దునియా విజయ్ ముఖ్య పాత్రలలో నటించారు. చంద్రిక రవి ఒక స్పెషల్ సాంగ్ లో నటించారు. థమన్ ఎస్ సంగీతం అందించారు. చిత్ర యూనిట్ రిలీజ్ చేసిన హీరో బాలకృష్ణ ఫస్ట్ లుక్ పోస్టర్, ఫస్ట్ హంట్, సాంగ్స్ ప్రేక్షకులను ఆకట్టుకున్నాయి.
వీరసింహారెడ్డి మూవీ ప్రీ రిలీజ్ ఈవెంట్ జనవరి 6న ఒంగోలులో గ్రాండ్ గా నిర్వహించేందుకు చిత్ర యూనిట్ రెడీ అవుతోంది. ప్రీ రిలీజ్ వేడుకకు సంబంధించిన ప్రమోషన్ పోస్టర్స్ సోషల్ మీడియాలో వైరల్ అవుతున్నాయి. ఒంగోలు ఏబీఎమ్ కాలేజ్ గ్రౌండ్స్లో మేకర్స్ ఈ వేడుకను నిర్వహించనున్నారు. దీంతో ప్రీ రిలీజ్ వేడుకకు చేరుకునే ప్రతి మార్గంలో హోర్డింగ్స్తో అభిమానులు హోరెత్తిస్తున్నారు. బ్లాక్ బస్టర్ అఖండ మూవీ తరువాత బాలయ్య నటించిన సినిమా కావడం, బ్లాక్ బస్టర్ క్రాక్ మూవీ తరువాత గోపీచంద్ మలినేని డైరెక్ట్ చేసిన మూవీ కావడంతో వీరసింహారెడ్డి మూవీ పై భారీ అంచనాలు నెలకొన్నాయి.








