
శ్రీ లక్ష్మి వెంకటేశ్వర సినిమాస్ బ్యానర్ పై శ్రీకాంత్ ఓదెల దర్శకత్వంలో హీరో నాని, కీర్తి సురేష్ జంటగా సింగరేణి కోల్ మైన్స్ బ్యాక్ డ్రాప్ లో తెరకెక్కుతున్న మాస్ యాక్షన్ ఎంటర్ టైనర్ దసరా మూవీ మార్చి 30 వ తేదీ రిలీజ్ కానుంది. భారీ బడ్జెట్ తో తెరకెక్కుతున్న ఈ మూవీ లో సాయి కుమార్, సముద్ర ఖని, జరీనా వాహబ్ ముఖ్య పాత్రలలో నటిస్తున్నారు. పాన్ ఇండియా మూవీగా రిలీజ్ కానున్న దసరా మూవీకి సంతోష్ నారాయణన్ సంగీతం అందిస్తున్నారు. హీరో నాని, కీర్తి సురేష్ జంటగా తెరకెక్కిన నేను లోకల్ మూవీ ఘనవిజయం సాధించిన విషయం తెలిసిందే.
పలు సూపర్ హిట్ మూవీస్ తో హీరోగా ప్రేక్షకులను అలరిస్తున్న నాని తన వాల్ పోస్టర్ సినిమా బ్యానర్ పై నిర్మాతగా పలు సినిమాలు, వెబ్ సిరీస్ లు నిర్మిస్తూ మరింతగా క్రేజ్ తో దూసుకెళ్తున్నారు. ఫుల్ క్రాఫ్, గడ్డంతో స్టైలిష్ లుక్ లో ఉన్న తన ఫొటోను ఇన్ స్టా గ్రామ్ లో నాని షేర్ చేయగా అభిమానులను ఆకట్టుకుని వైరల్ గా మారింది.








