వంశీ పైడిపల్లి దర్శకత్వంలో ఇళయదళపతి విజయ్ హీరోగా వస్తున్న సినిమా వారిసు. తెలుగులో వారసుడు అనే టైటిల్ తో తెరకెక్కుతుంది. ఇక ఈసినిమా పై భారీ అంచనాలే ఉన్నాయి. ప్రస్తుతం అయితే ఈసినిమా షూటింగ్ ను పూర్తిచేసుకునే పనిలో ఉంది. ఇక ఈ సినిమాను కూడా ముందునుండీ సంక్రాంతి బరిలో దించనున్నట్టు చెబుతూనే వస్తున్నారు మేకర్స్. ఈనేపథ్యంలోనే రీసెంట్ గానే ఈసినిమా రిలీజ్ డేట్ పై ఒక క్లారిటీ వచ్చింది. ఈసినిమా జనవరి 13వ తేదీన ఇక్కడ రిలీజ్ అయ్యే అవకాశం ఉంది. దీంతో ఈసినిమా రిలీజ్ డేట్ కూడా దగ్గర పడుతున్న నేపథ్యంలో ప్రమోషన్ కార్యక్రమాలు కూడా మొదలుపెట్టారు.
ఇప్పటికే ఈసినిమా నుండి రిలీజ్ అవుతున్న పాటలు సూపర్ రెస్పాన్స్ ను సొంతం చేసుకుంటున్నాయి. ఇక ఇప్పుడు భారీ ఎత్తున ప్రమోషన్ కార్యక్రమాలు మొదలుపెట్టారు. చెన్నైలోని మెట్రో ట్రైన్కు వారిసు పోస్టర్లను అతికించి సినిమా ప్రమోషన్స్ ను షురూ చేశారు. తమిళనాడులో వారిసు చిత్రాన్ని పంపిణీ చేస్తున్న సిల్వర్ స్క్రీన్ స్టూడియో బ్యానర్ ఈ ప్రమోషనల్ క్యాంపెయిన్ను నిర్వహిస్తోంది.
ఈసినిమాలో నేషనల్ క్రష్ రష్మిక మందన్న హీరోయిన్ గా నటిస్తుంది. ఇంకా ఈసినిమాలో శ్రీకాంత్, శ్యామ్, ప్రకాశ్ రాజ్, సంగీత, జయసుధ, ప్రభు తదితరులు ఈ చిత్రంలో కీలక పాత్రలు పోషిస్తున్నారు.ఈ సినిమాని ప్రముఖ నిర్మాత దిల్ రాజు భారీ బడ్జెట్ తో తెరకెక్కిస్తున్నారు. సెన్సేషనల్ మ్యూజిక్ డైరెక్టర్ థమన్ సంగీతం అందిస్తున్నాడు.