విక్టరీ వెంకటేష్ నారప్ప మూవీ రీ రిలీజ్ డేట్
Narappa Movie To Be Re-Released for Venkatesh's Birthday

సురేష్ ప్రొడక్షన్స్, వి క్రియేషన్స్ బ్యానర్స్ పై శ్రీకాంత్ అడ్డాల దర్శకత్వంలో వెంకటేష్, ప్రియమణి జంటగా తెరకెక్కిన నారప్ప మూవీ కరోనా లాక్ డౌన్ టైమ్ లో ప్రముఖ ఓటీటీ అమెజాన్ ప్రైమ్ వీడియోలో రిలీజ్ అయ్యి ఘనవిజయం సాధించింది. బ్లాక్ బస్టర్ అసురన్ తమిళ మూవీ తెలుగు రీమేక్ గా తెరకెక్కిన ఈ మూవీలో ఎమోషనల్ గా సాగే రెండు వేరియేషన్స్ ఉన్న పాత్రలో వెంకటేష్ ఎంతో రియలిస్టిక్ గా నటించి ప్రేక్షకులను ఆకట్టుకున్నారు.
స్టార్ హీరోల బర్త్ డే లకు వారి సూపర్ హిట్ మూవీస్ రీ రిలీజ్ అవుతున్న విషయం తెలిసిందే. తాజాగా సూపర్ హిట్ నారప్ప మూవీ ని హీరో వెంకటేష్ బర్త్ డే సందర్భంగా థియేటర్స్ లో రిలీజ్ కానుంది. ఆంధ్రా, తెలంగాణాలలో ఈ సినిమాని వెంకటేష్ అభిమానులు కోసం డిసెంబర్ 13న థియేటర్ లో రీ రిలీజ్ చేయడానికి మేకర్స్ ప్లాన్ చేశారు. హీరో వెంకటేష్ అద్భుతంగా పెర్ఫార్మ్ చేసిన నారప్ప మూవీని థియేటర్స్ లో చూసి ఎంజాయ్ చేయండి.







