గత ఏడాది బాలకృష్ణ బోయపాటి శ్రీనుతో అఖండ సినిమాతో బ్లాక్ బస్టర్ ను అందుకున్నాడు. ఇక ప్రస్తుతం గోపీచంద్ మలినేనితో సినిమా చేస్తున్న సంగతి తెలిసిందే. ఈసినిమాలో శృతీ హాసన్ హీరోయిన్ గా నటిస్తుంది. ఈ సినిమాలో బాలయ్యకు విలన్ గా కన్నడ విలక్షణ నటుడు దునియా విజయ్ నటించనున్నాడు. మైత్రీ మూవీ మేకర్స్ బ్యాన్సర్ పై నవీన్ యెర్నేని, వై రవి శంకర్ కలిసి ఈ చిత్రాన్ని భారీగా నిర్మిస్తున్నారు. థమన్ సంగీతం అందిస్తున్న ఈసినిమాకు సినిమాటోగ్రఫి రిషి పంజాబీ అందిస్తున్నాడు. సాయి మాధవ్ బుర్రా మాటలు అందిస్తున్నారు.
ఇక బాలకృష్ణ తన తరువాత సినిమాను అనిల్ రావిపూడి తో చేస్తున్న సంగతి తెలిసిందే కదా. అనిల్ రావిపూడి సూపర్ హిట్స్ తో మంచి ఫామ్ లో ఉన్నాడు. రీసెంట్ గానే అనిల్ కూడా ఎఫ్3 తో తన హిట్స్ లిస్ట్ లో మరో హిట్ ను చేర్చుకున్నాడు. దీంతో వీరిద్దరి కాంబినేషన్ పై అప్పుడే అంచనాలే ఏర్పడ్డాయి. ఈసినిమాను ప్రకటించి కూడా చాలా కాలమే అవుతుంది. ఈగ్యాప్ లో అనిల్ కూడా బాలయ్య కోసం ఒక సాలిడ్ కథనే సిద్దం చేసినట్టు తెలుస్తుంది. ఇక ఈసినిమా నుండి సర్ ప్రైజింగ్ అప్ డేట్ ఇచ్చారు మేకర్స్. ఈ సినిమాను డిసెంబర్ 8వ తేదీ గురువారం రోజు ప్రారంభించనున్నారు. రేపు ఉదయం 9 గంటల 36 నిమిషాలకు బాలకృష్ణ- అనిల్ రావిపూడి సినిమాకు ముహూర్తం పెట్టినట్లు తెలుపుతూ పోస్టర్ ను రిలీజ్ చేశారు. ఇక ఈసినిమాను షైన్ స్క్రీన్స్ బ్యానర్ పై సాహు గారపాటి మరియు హరీష్ పెద్ది భారీ బడ్జెట్ తో నిర్మించనున్నారు. ఈ చిత్రానికి స్టార్ కంపోజర్ ఎస్ థమన్ సంగీతం అందించనున్నాడు.