సూపర్ స్టార్ కృష్ణ మృతి పై ఎన్టీఆర్ స్పందన
Jr NTR about Superstar Krishna's demise

కార్డియాక్ అరెస్టుతో బాధపడుతున్న కృష్ణను కుటుంబ సభ్యులు సోమవారం ఉదయం కాంటినెంటల్ ఆసుపత్రికి తరలించారు. చికిత్స పొందుతూ కృష్ణ మంగళవారం ఉదయం కన్నుమూశారు.సూపర్ స్టార్ కృష్ణ మరణ వార్త తో టాలీవుడ్ చిత్ర పరిశ్రమలో విషాదం నెలకొంది. సూపర్ స్టార్ కృష్ణ మరణవార్త తెలిసిన అభిమానులతో పాటు సినీ, రాజకీయ ప్రముఖులు ఆయన ఆత్మకు శాంతి చేకూరాలని ప్రార్థిస్తూ.. కుటుంబ సభ్యులకు ప్రగాడ సానుభూతిని తెలుపుతున్నారు.
సూపర్ స్టార్ కృష్ణ మరణ వార్తకు ఎన్టీఆర్ సోషల్ మీడియా ద్వారా స్పందించారు. కృష్ణ గారు అంటే సాహసానికి మరో పేరనీ , ఎన్నో ప్రయోగాత్మక చిత్రాలు , విలక్షణ మైన పాత్రలే కాకుండా , సాంకేతికంగా కూడా తెలుగు సినిమాకు ఎన్నో విధానాలు పరిచయం చేసిన మీ ఘనత చిరస్మరణీయం అనీ , తన ఆలోచనలు అన్నీ మహేష్ బాబు అన్న, అతని కుటుంబం పైనే ఉన్నాయనీ , ఓం శాంతి , సూపర్ స్టార్ ఫరెవర్ అంటూ ఎన్టీఆర్ ట్వీట్ చేశారు.







