స్టార్ హీరోయిన్ సమంత మయోసైటిస్ అనే అరుదైన కండరాల వ్యాధి బారిన పడిన విషయం తెలిసిందే. ఈ విషయాన్నీ సమంత సోషల్ మీడియా ద్వారా స్వయంగా వెల్లడించారు. దీర్ఘ కాలిక సమస్యతో, ప్రాణాంతక వ్యాధితో సమంత బాధపడుతున్న నేపథ్యంలో అభిమానులతో పాటు పలువురు సినీ ప్రముఖులు సమంత త్వరగా కోలుకోవాలని దేవుడిని ప్రార్థిస్తూ సోషల్ మీడియా ద్వారా పోస్ట్ లు పెడుతున్నారు.
ఈ నేపథ్యంలో సమంత అనారోగ్యం పై మెగా స్టార్ చిరంజీవిసోషల్ మీడియా ద్వారా స్పందించారు. ప్రియమైన సమంత కాలానికి అనుగుణంగా మన జీవితంలో చాలా సవాళ్లు ఎదుర్కోవాల్సి వస్తుందనీ , మన సొంత అంతర్గత శక్తి కనుగొనడానికి ఇది సరైన అవకాశం అనీ , మీరు ఈ సవాలును కూడా మీ యొక్క శక్తితో అధిగమిస్తారని భావిస్తున్నాననీ , మీకు ధైర్యం కలగాలని ఆ దేవుడు మీకు తోడుగా ఉండాలని ప్రార్థిస్తున్నాననీ , త్వరగా కోలుకొని మళ్ళీ నటనతో ప్రేక్షకులను ఆకట్టుకుంటారని నమ్ముతున్నాననీ చిరంజీవి ట్వీట్ చేశారు. చిరంజీవి ట్వీట్ కు థ్యాంక్స్ అంటూ సమంత రీ ట్వీట్ చేశారు.