మరో కొత్త ప్రాజెక్ట్ షురూ చేసిన రవితేజ
Shooting for Ravi Tejas Untitled Movie Begins in Poland

మాస్ మహారాజా రవితేజ మాత్రం వరుస సినిమాలతో బిజీగా కెరీర్ లో దూసుకుపోతున్నాడు. జయాపజయాలను పక్కన పెట్టి మరీ వచ్చిన అవకాశాలను వదిలిపెట్టకుండా వరుసగా సినిమాలు చేసుకుంటూ వెళుతున్నాడు. ఈ ఏడాది ఇప్పటికే ఖిలాడి, రామారావు ఆన్ డ్యూటీ సినిమాలు రిలీజ్ చేశాడు. ఇప్పుడు తన ఖాతాలో దాదాపు మూడు నాలుగు సినిమాలు ఉన్నాయి. ప్రస్తుతం రవితేజ ఇప్పటికే ధమాకా, రావణాసురుడు, టైగర్ నాగేశ్వరరావు సినిమాలో బిజీగా ఉన్నాడు. వీటిలో ధమాకా సినిమా రిలీజ్ కు సిద్దంగా ఉంది. ఇంకా రావణాసురుడు, టైగర్ నాగేశ్వరరావు సినిమాలు రెండూ షూటింగ్ దశలో ఉన్నాయి. ఇంకా హీరోగా నటిస్తూనే మరోపక్క వేరే సినిమాలో కీలక పాత్రల్లో నటించడానికి కూడా ఇంట్రెస్ట్ చూపిస్తున్నాడు. చిరంజీవి హీరోగా మెహర్ రమేష్ దర్శకత్వంలో వస్తున్న భోళాశంకర్ సినిమాలో కూడా ఒక కీలక పాత్రలో నటిస్తున్నాడు.
ఇక ఇన్ని సినిమాలు రవితేజ లిస్ట్ లో ఉండగానే ఇప్పుడు మరో సినిమాను షురూ చేసేశాడు రవితేజ. ఇంకా టైటిల్ ఫిక్స్ చేయని ఈసినిమా ప్రముఖ సినిమాటోగ్రాఫర్ కార్తీక్ గడ్డంనేని దర్శకత్వంలో తెరకెక్కుతుంది. ఇక ఈసినిమా షూటింగ్ కోసమే రవితేజ తాజాగా పోలాండ్లో ప్రారంభమైనట్టు తెలుస్తుంది. మరో రెండు వారాలపాటు అక్కడే షూటింగ్ జరగనుంది. తదుపరి షెడ్యూల్ హైదరాబాద్లో ఉంటుందనీ, దాని తర్వాత మరో షెడ్యూల్ ఉంటుందని యూనిట్ వర్గాలు తెలియజేస్తున్నాయి.
కాగా డార్క్ కామెడీ నేపథ్యంలో తెరకెక్కుతున్న ఈ సినిమాలో రవితేజ సరికొత్తగా కనిపించనున్నట్టు సమాచారం. ఈసినిమాలో అనుపమ పరమేశ్వరన్, కావ్య థాపర్ నవదీప్ కూడా కీలక పాత్రల్లో నటిస్తున్నారు. ఈ చిత్రాన్ని పీపుల్ మీడియా ఫ్యాక్టరీ నిర్మిస్తోంది.







