డివివి ఎంటర్ టైన్ మెంట్స్ బ్యానర్ పై స్టార్ డైరెక్టర్ రాజమౌళి దర్శకత్వంలో మెగా పవర్ స్టార్ రామ్ చరణ్ , అలియా భట్, యంగ్ టైగర్ ఎన్టీఆర్, ఒలీవియా మోరిస్ జంటలుగా భారీ బడ్జెట్ , భారీ తారాగణం తో తెరకెక్కిన హై ఎమోషనల్ యాక్షన్ ఎంటర్ టైనర్ రౌద్రం రణం రుధిరం మూవీ మార్చి 25 వ తేదీ ప్రపంచవ్యాప్తంగా రిలీజ్ అయ్యి సూపర్ హిట్ టాక్ తో అన్ని భాషలలోనూ భారీ కలెక్షన్స్ సాధించిన విషయం తెలిసిందే. ప్రపంచవ్యాప్తంగా ఈ మూవీ 1,130 కోట్ల రూపాయల కి పైగా గ్రాస్ కలెక్షన్స్ సాధించింది.
ఆర్ ఆర్ ఆర్ మూవీ జపనీస్ వెర్షన్ అక్టోబర్ 21 వ తేదీ రిలీజ్ కానున్న సందర్భంగా ప్రమోషన్స్ కై యంగ్ టైగర్ ఎన్టీఆర్ , మెగా పవర్ స్టార్ రామ్ చరణ్, దర్శకుడు రాజమౌళి తమ ఫ్యామిలీస్ తో జపాన్ కు వెళ్లిన విషయం తెలిసిందే. రామ్ చరణ్ , ఎన్టీఆర్ లకు జాపనీస్ అభిమానులు సాదరంగా స్వాగతం పలికారు.ఒక ప్రమోషన్ ఈవెంట్ లో భాగంగా అక్కడి స్థానిక జపనీయులతో కొన్ని క్షణాలు జపనీస్ భాషలో ఎన్టీఆర్ మాట్లాడారు . ఆయన మాటలకు ఆడియన్స్, , ఫ్యాన్స్ అందరి నుండి సూపర్ గా రెస్పాన్స్ లభించింది. కాగా ఎన్టీఆర్ జపనీస్ భాష మాట్లాడిన వీడియో, ఫోటోలు ప్రస్తుతం సోషల్ మీడియాలో ట్రెండ్ అవుతున్నాయి.