
ఈ తరం హీరోల్లో విభిన్న పాత్రలు చేస్తూ ప్రేక్షకులను అలరిస్తున్న టాలీవుడ్ టాలెంటెడ్ హీరోల్లో సత్యదేవ్ కూడా ముందుంటాడు. అందుకే ప్రేక్షకులు కూడా సత్యదేవ్ సినిమా అంటే మినిమం గ్యారెంటీగా ఎక్స్పెక్ట్ చేస్తారు. తను కీలకపాత్రలో నటించిన గాడ్ ఫాదర్ సినిమా కూడా దసరా పండుగ సందర్భంగా అక్టోబర్ 5వ తేదీన రిలీజ్ కాబోతుంది. ప్రస్తుతం అయితే తను పలు సినిమాలతో బిజీగా ఉన్నాడు.
ఇక ఇదిలా ఉండగా ఇప్పుడు మరో యూనిక్ ప్రాజెక్ట్ తో ప్రేక్షకుల ముందుకు వస్తున్నాడు. ఈశ్వర్ కార్తీక్ దర్శకత్వంలో సత్యదేవ్ హీరోగా ఈసినిమా తెరకెక్కుతుంది. మల్టీ స్టారర్ గా తెరకెక్కనున్న ఈ చిత్రంలో ఐకాన్ స్టార్ అల్లు అర్జున్ పుష్పతో తెలుగులో గుర్తింపు తెచ్చుకున్న కన్నడ స్టార్ డాలీ ధనంజయ మరో ప్రధాన పాత్రలో నటిస్తున్నారు. ఆసక్తికరమైన విషయం ఏమిటంటే, ఈ చిత్రం ధనంజయ కూడా 26వ చిత్రమే. గ్రాండ్ గా పూజా కార్యక్రమాలు జరుపుకున్న ఈ చిత్రం షూటింగ్ ఈరోజు ప్రారంభమైయింది.

కాాగా ఓల్డ్ టౌన్ పిక్చర్స్ ప్రొడక్షన్ నంబర్ 1 గా నిర్మాతలు బాల సుందరం, దినేష్ సుందరం క్రైమ్ యాక్షన్ ఎంటర్టైనర్గా ఈ చిత్రాన్ని రూపొందిస్తున్నారు. మణికంఠన్ కృష్ణమాచారి సినిమాటోగ్రఫీ అందిస్తుండగా, చరణ్ రాజ్ సంగీతం సమకూరుస్తున్నారు. మీరాఖ్ డైలాగ్స్ అందిస్తున్న ఈ చిత్రానికి అనిల్ క్రిష్ ఎడిటర్ గా పని చేస్తున్నారు. సినిమాకు సంబంధించిన ఇతర వివరాలు త్వరలోనే తెలియజేయనున్నారు.







