పుష్ప :ది రైజ్ మూవీ తో మంచి గుర్తింపు వచ్చింది - అల్లు అర్జున్
Allu Arjun Makes Interesting Comments About Pushpa The Rise

మైత్రీ మూవీ మేకర్స్ , ముత్తంశెట్టి మీడియా బ్యానర్స్ పై సుకుమార్ దర్శకత్వంలో ఐకాన్ స్టార్ అల్లు అర్జున్, రష్మిక జంటగా ఎర్రచందనం స్మగ్లింగ్ నేపథ్యంలో తెరకెక్కిన యాక్షన్ థ్రిల్లర్ పు ష్ప మూవీ ఫస్ట్ పార్ట్ పుష్ప: ది రైజ్ డిసెంబర్ 17న ,తెలుగు, కన్నడ , తమిళ , మలయాళ , హిందీ భాషలలో రిలీజ్ అయ్యి ఘనవిజయం సాధించి ప్రపంచవ్యాప్తంగా సుమారు 360 కోట్లు కలెక్ట్ చేసి రికార్డ్ క్రియేట్ చేసింది. పుష్ప: ది రైజ్ మూవీ లో రఫ్ అండ్ మాస్ క్యారెక్టర్ లో అల్లు అర్జున్ అద్భుతంగా పెర్ఫార్మ్ చేసి ప్రేక్షక , అభిమానులతో పాటు సినీ ప్రముఖుల ప్రశంసలు అందుకున్నారు. దేవిశ్రీ ప్రసాద్ స్వరపరచిన సాంగ్స్ ప్రేక్షకులను ఆకట్టుకున్నాయి. పుష్ప :ది రైజ్ హిందీ వెర్షన్ బాలీవుడ్ ప్రేక్షకులను ఆకట్టుకుని భారీ వసూళ్ళు సాధించింది. ఈ మూవీ తో హీరో అల్లు అర్జున్ కు దేశవ్యాప్తం గా క్రేజ్ పెరిగింది. పుష్ప :ది రూల్ మూవీ త్వరలో సెట్స్ పైకి వెళ్ళనుంది.
తాజాగా ఒక ఇంటర్వ్యూలో ఐకాన్ స్టార్ అల్లు అర్జున్ మా ట్లాడుతూ .పుష్ప సినిమా తో తనకు మంచి గుర్తింపు దక్కిందనీ , . ఒక వేళ తనకు పుష్ప సినిమా వచ్చి ఉండకుంటే ఈ స్థాయిలో గుర్తింపు దక్కించుకునేందుకు మరో 20 ఏళ్ల పాటు కష్టపడాల్సి వచ్చేదనీ , పుష్ప సినిమా ఈ స్థాయిలో విజయాన్ని సొంతం చేసుకుంటుందని తాను అస్సలు ఊహించలేదనీ , విజయం అయితే దక్కుతుంది అనుకున్నాననీ , కానీ పాన్ ఇండియా స్థాయిలో అది కూడా హిందీ వర్షన్ వంద కోట్ల వసూళ్లను సాధిస్తుందని ఏ ఒక్కరం కూడా ఊహించలేదనీ , పుష్ప ను హిందీ ప్రేక్షకులు ఎంతగా సొంతం చేసుకున్నారో అర్థం చేసుకోవచ్చుననీ , అందుకే పుష్ప 2 సినిమాప్రేక్షకుల అంచనాలను అందుకునేలా.. పుష్ప 1 తాలూకు హంగామా మిస్ అవ్వకుండా చేయబోతున్నట్లుగా చెప్పారు.








