ది ఘోస్ట్ గన్స్ అండ్ స్వార్డ్స్ యాక్షన్ వీడియో రిలీజ్
Guns and Swords Action Video Released From The Ghost movie

శ్రీ వెంకటేశ్వర సినిమాస్ ఎల్ ఎల్ పి , నార్త్ స్టార్ ఎంటర్ టైన్ మెంట్ బ్యానర్స్ పై సూపర్ హిట్ PSV గరుడ వేగ మూవీ ఫేమ్ ప్రవీణ్ సత్తారు దర్శకత్వంలో కింగ్ నాగార్జున హీరోగా తెరకెక్కిన యాక్షన్ ఎంటర్ టైనర్ ది ఘోస్ట్ మూవీ విజయదశమి సందర్భంగా అక్టోబర్ 5న విడుదల కానుంది. సోనాల్ చౌహాన్ కథానాయిక కాగా మనీష్ చౌదరి ప్రతినాయకుడిగా నటించారు. ఈ మూవీ లో గుల్ పనాగ్ , అనిఖ సురేంద్రన్ , శ్రీకాంత్ అయ్యంగార్ , రవి వర్మ ముఖ్య పాత్రలలో నటించారు. భరత్ శౌరభ్ సంగీతం అందించారు.హీరో నాగార్జున , సోనాల్ చౌహాన్ ఇంటర్ పోల్ ఆఫీసర్స్ గా నటించిన ది ఘోస్ట్ చిత్ర యూనిట్ రిలీజ్ చేసిన పోస్టర్స్ , ఫస్ట్ గ్లింప్స్ ప్రేక్షకులను ఆకట్టుకున్నాయి.
సూపర్ స్టార్ మహేష్ బాబు చేతుల మీదుగా రిలీజ్ అయిన ది ఘోస్ట్ మూవీ ట్రైలర్ ప్రేక్షకులను విశేషంగా ఆకట్టుకుని యూట్యూబ్ లో భారీ వ్యూస్ తో దూసుకుపోతుంది.ది ఘోస్ట్ మూవీ ప్రమోషన్స్ లో భాగంగా గురువారం గన్స్ అండ్ స్వార్డ్స్ యాక్షన్ వీడియో అంటూ ఓ మేకింగ్ వీడియోని మేకర్స్ విడుదల చేశారు. గన్స్ షూటింగ్ తో పాటు కత్తి ఫైట్ కి సంబంధించిన నాగ్ శిక్షణకు సంబంధించిన విజువల్స్, ఈ మూవీలోని కీలక పాత్రల కోసం కింగ్ నాగార్జున హీరోయిన్ సోనాల్ చౌహాన్ శిక్షణ తీసుకున్న విజువల్స్ తో రూపొందిన ఈ వీడియో ప్రేక్షకులను విశేషంగా ఆకట్టుకుంది.







