‘అశోక వనంలో అర్జున కళ్యాణం’ కొత్త రిలీజ్ డేట్ ఫిక్స్
Ashoka Vanamlo Arjuna Kalyanam Movie New Release Date Announced

విద్యాసాగర్ దర్శకత్వంలో యంగ్ హీరో విశ్వక్ సేన్ హీరోగా వస్తున్న సినిమా అశోకవనంలో అర్జున కళ్యాణం. ఇప్పటి వరకూ చేసిన పాత్రలకు విభిన్నంగా విశ్వక్ సేన్ ఈసినిమాలో కనిపించనున్నాడు. 30 ఏళ్ళు దాటుతున్నా ఇంకా పెళ్ళికాని అల్లం అర్జున కుమార్ కు .. ఎట్టకేలకు ఒక అందమైన అమ్మాయిని పెళ్ళి చేసుకొనే అవకాశం వస్తుంది. ఆ క్రమంలో అతడు ఎన్ని తిప్పలు పడ్డాడు? చివరికి ఆ అమ్మాయి మనసును అతడు ఎలా గెలుచుకున్నాడు అనే కథాంశంతో హిలేరియస్ కామెడీ ఎంటర్ టైనర్ గా సినిమా తెరకెక్కుతోంది.
ఇక ముందు ఈసినిమాను మార్చి 4న థియేటర్స్ లో రిలీజ్ చేస్తున్నట్టుగా మేకర్స్ ప్రకటించారు. కానీ కొన్ని కారణాల వల్ల ఈసినిమా రిలీజ్ ను వాయిదా వేసుకోవాల్సి వచ్చింది. ఇక ఇప్పుడు కొత్త రిలీజ్ డేట్ ను ఫిక్స్ చేస్తూ చిత్రయూనిట్ అధికారికంగా ప్రకటించింది. ఏప్రిల్ 22న ఈసినిమాను రిలీజ్ చేస్తున్నట్టు కొత్త రిలీజ్ డేట్ ను ఫిక్స్ చేశారు.

కాగా రుక్సార్ దిల్లాన్ ఈసినిమాలో హీరోయిన్ గా నటిస్తుంది. ఈసినిమాను ప్రముఖ నిర్మాత బీవీఎస్ఎన్ ప్రసాద్ సమర్పణలో శ్రీవెంకటేశ్వర సినీ చిత్ర బ్యానర్ పై బాపినీడు, సుధీర్ నిర్మిస్తున్నారు. జయ ఫణి సంగీతం అందిస్తున్నాడు. సినిమాటోగ్రాఫర్ గా పవి కె.పవన్ పనిచేస్తున్నారు.







