స్పెషల్ డే కి 'అన్నాత్తే' ఫస్ట్ లుక్..!
Super Star Rajinikanth Annaatthe First Look To Be Released On Vinayaka Chavithi

సూపర్ స్టార్ రజినీ కాంత్ హీరోగా శివ దర్శకత్వంలో తెరకెక్కుతున్న చిత్రం “అన్నాత్తే”. ఈసినిమా షూటింగ్ కు కూడా ఎన్నో అడ్డంకులు ఏర్పడ్డాయి. కరోనా వల్ల సగం లేట్ అయితే మధ్యలో రజినీ ఆరోగ్యం సరిగా లేకపోవడం వలన ఈసినిమా షూటింగ్ పై ఎఫెక్ట్ పడింది. ఫైనల్ గా షూటింగ్ ను పూర్తి చేసుకొని పోస్ట్ ప్రొడక్షన్ పనులు కూడా స్టార్ట్ చేసేశారు.
ఇక ఈసినిమా నుండి అప్ డేట్స్ వచ్చి చాలా రోజులైపోయింది. ఈనేపథ్యంలోనే ఈసినిమా నుండి ఫస్ట్ లుక్ ను రిలీజ్ చేయాలని ఫిక్స్ అయినట్టు తెలుస్తుంది. ఏలాగూ ఈసినిమాను దీపావళి పండుగ సందర్భంగా రిలీజ్ చేయాలని చూస్తున్నారు కాబట్టి ఫస్ట్ లుక్ ను కూడా ఫెస్టివల్ కే రిలీజ్ చేయాలని చూస్తున్నారట. త్వరలో వినాయక చవితి వస్తుంది కాబట్టి ఆ పండుగ సందర్భంగా ఈసినిమా ఫస్ట్ లుక్ ను రిలీజ్ చేయాలని ప్లాన్ చేస్తున్నారట. చూద్దాం మరి దీనిపై ఏదన్నా అధికారికంగా ప్రకటన ఇస్తారేమో..
కాగా సన్ పిక్చర్స్ బ్యానర్ పై కళానిధి మారన్ ఈసినిమాను నిర్మిస్తున్నారు. భారీ బడ్జెట్ అవుట్ అండ్ అవుట్ కమర్షియల్ సినిమాగా తెరకెక్కుతున్న ఈసినిమాలో మీనా, ఖుష్బూ, కీర్తి సురేష్, నయనతార, జగపతి బాబు, ప్రకాష్ రాజ్ కీలకపాత్రల్లో నటిస్తున్నారు. ఇమ్మాన్ సంగీతం అందిస్తున్నాడు.







