త్రిష ప్రత్యేక పూజలు

తమిళ , తెలుగు భాషల పలు బ్లాక్ బస్టర్ మూవీస్ లో త్రిష తన అందం , అభినయం తో ప్రేక్షకులను అలరిస్తూ స్టార్ హీరోయిన్ గా రాణిస్తున్నారు. త్రిష కథానాయికగా రూపొందిన పలు మూవీస్ లో అద్భుతంగా పెర్ఫార్మ్ చేసి బెస్ట్ యాక్ట్రెస్ గా పలు అవార్డ్స్ అందుకున్నారు. త్రిష కథానాయికగా రూపొందిన ‘గర్జన “, “సేతురంగ వెట్టై 2”, “రాంగి ” తమిళ మూవీస్ పోస్ట్ ప్రొడక్షన్ వర్క్ జరుపుకుంటున్నాయి. త్రిష ప్రస్తుతం “పొన్నియిన్ సెల్వన్ “(తమిళ ), “రామ్ ” (మలయాళ ) మూవీస్ లో నటిస్తున్నారు.

లెజెండరీ డైరెక్టర్ మణిరత్నం దర్శకత్వంలో పీరియాడికల్ మూవీ “పొన్నియిన్ సెల్వన్ ” భారీ బడ్జెట్ తో రెండు భాగాలుగా తెరకెక్కుతున్న విషయం తెలిసిందే. చియాన్ విక్రమ్ , ‘జయం’రవి, కార్తీ , త్రిష , ఐశ్వర్యా రాయ్, ఐశ్వర్య లక్ష్మీ, శరత్‌కుమార్, పార్తీబన్‌ , ప్రకాష్ రాజ్ లతో తెరకెక్కుతున్న “పొన్నియిన్ సెల్వన్ ” మూవీ షూటింగ్ మధ్య ప్రదేశ్ లోని వివిధ లొకేషన్స్ లో జరుగుతుంది. మధ్యప్రదేశ్‌లోని ఓర్చా లొకేషన్స్‌లో జరుగుతున్న షూటింగ్ లో కార్తీ, త్రిష, ప్రకాశ్‌ రాజ్‌ తదితరులు పాల్గొన్న సన్నివేశాలను దర్శకుడు తెరకెక్కిస్తున్నారు. “పొన్నియిన్ సెల్వన్ ” మూవీ లో హీరోయిన్ త్రిష ఒక గుడిలో ప్రత్యేక పూజలు చేస్తున్న సీన్స్ ను దర్శకుడు మణిరత్నం చిత్రీకరిస్తున్నారు. భారీ బడ్జెట్ , తారాగణం తో తెరకెక్కుతున్న “పొన్నియిన్ సెల్వన్ ” మూవీ పై భారీ అంచనాలు నెలకొన్నాయి.

[subscribe]