మొత్తానికి చైతు ఫ్యాన్స్ ఎప్పటినుండో ఎదురుచూస్తున్న అప్ డేట్ వచ్చేసింది. నాగ చైతన్య, సాయి పల్లవిహీరో హీరోయిన్లుగా శేఖర్ కమ్ముల దర్శకత్వంలో వస్తున్న సినిమా లవ్ స్టోరీ. ఇక ఈసినిమా కూడా ఎప్పుడో షూటింగ్ ను పూర్తి చేసుకుంది. థియేటర్లు తెరిచిన వెంటనే ఈసినిమాను కూడా వెంటనే రిలీజ్ చేస్తారు అనుకున్నారు కానీ మధ్యలో ఓటీటీ లో రిలీజ్ చేస్తారన్న వార్తలు ఊపందుకున్నాయి. దానికి తోడు రిలీజ్ డేట్ కూడా ప్రకటించకపోవడంతో నిజంగానే ఓటీటీలో రిలీజ్ చేస్తారేమో అనుకున్నారు. కానీ ఫైనల్ గా ఇన్ని రోజులకు ఈసినిమా రిలీజ్ డేట్ ను కూడా ఫిక్స్ చేస్తూ అధికారికంగా ప్రకటించారు చిత్రయూనిట్.
గత కొద్దిరోజులుగా ఈసినిమాను సెప్టెంబర్ 10న రిలీజ్ చేయనున్నట్టు వార్తలు వచ్చాయి. ఇక ఆవార్తలను ఇప్పుడు నిజం చేస్తూ తాజాగా అధికారిక ప్రకటన వచ్చేసింది. ఈసినిమాను సెప్టెంబర్ 10 న రిలీజ్ చేస్తున్నట్టు పోస్టర్ ను రిలీజ్ చేశారు.
c@chay_akkineni
This Vinayaka Chaviti is Extra Special! #LoveStory releasing in theatres near you on Sep 10th ! #LoveStoryFromSep10th@sekharkammula @Sai_Pallavi92 @pawanch19@SVCLLP #AmigosCreations @AsianSuniel @adityamusic @NiharikaGajula @GskMedia_PR
కాగా శ్రీ వెంకటేశ్వర సినిమాస్, అమిగోస్ క్రియేషన్స్ బ్యానర్స్ పై నిర్మిస్తున్న ఈ సినిమాలో ఇంకా రాజీవ్ కనకాల, ఈశ్వరీరావు, దేవయాని ముఖ్య పాత్రలలో నటిస్తున్నారు. పవన్ సంగీతం అందిస్తున్నాడు. ఇక ఫిదా సినిమా తరువాత సాయిపల్లవి-శేఖర్ కమ్ముల కాంబినేషన్లో వస్తున్న లవ్ స్టోరీ సినిమా చేసే మ్యాజిక్ ఎలావుంటుందో అని ఆసక్తిగా ఎదురుచూస్తున్నారు.