పలాస ఫేమ్ కరుణ కుమార్ దర్శకత్వంలో సుధీర్ బాబు హీరోగా “శ్రీదేవి సోడా సెంటర్” చిత్రం వస్తున్న సంగతి తెలిసిందే కదా. ఈసినిమా ప్రస్తుతం పోస్ట్ ప్రొడక్షన్ పనులు ముగించుకునే పనిలో ఉంది. ఇక ఈసినిమాలో సుధీర్ బాబు మాస్ పాత్రలో ఎంటర్ టైన్ చేయడానికి రెడీ అయినట్టు ఇప్పటికే అర్థమయిపోయింది. అంతేకాదు ఇప్పటికే రిలీజ్ అయిన పోస్టర్లు, టీజర్, పాటలతో సినిమాపై భారీ అంచనాలే ఏర్పడ్డాయి.
ఇక ఇదిలా ఉండగా ఇప్పటికే పలు సినిమాలు రిలీజ్ డేట్స్ ను ఫిక్స్ చేసుకోగా తాజాాగా ఈసినిమా రిలీజ్ డేట్ ను కూడా ఫిక్స్ చేశారు చిత్రయూనిట్. నేడు ఈ సినిమా విడుదల తేదీకి సంబంధించి అధికారిక ప్రకటన చేశారు. “శ్రీదేవి సోడా సెంటర్ ఆగస్టు” 27న థియేటర్లలో విడుదల చేయనున్నట్టు హీరో హీరోయిన్ ఉన్న పోస్టర్ ను పోస్ట్ చేశారు.
i@isudheerbabu
Remember the date AUGUST 27th. That's the date we will meet you with #SrideviSodaCenter in theatres 😎 A script we fell in love with ... will soon be all yours.#SrideviSodaCenterOn27thAug#70mmSSC #SSC
కాగా ఈసినిమాలో సుధీర్ బాబు సరసన ఆనంది హీరోయిన్ గా నటిస్తుండగా ఇంకా నరేష్, రఘుబాబు, అజయ్, సత్యం రాజేష్, హర్ష వర్ధన్, సప్తగిరి, కళ్యాణి రాజు, రోహిణి, స్నేహ గుప్త తదితరులు ఇతర పాత్రలు పోషిస్తున్నారు. కాగా 70 ఎమ్ ఎమ్ ఎంటర్ టైన్మెంట్స్ బ్యానర్పై నిర్మితమవుతున్న ఈ చిత్రానికి విజయ్ చిల్లా, శశిదేవి రెడ్డి నిర్మాతలుగా వ్యవహరిస్తున్నారు.