రెజీనా కు మరో బాలీవుడ్ ఆఫర్
Regina Cassandra Grabs Another Bollywood Movie Offer

“శివ మనసులో శృతి “మూవీ తో టాలీవుడ్ కు కథానాయికగా పరిచయం అయిన తమిళ హీరోయిన్ రెజీనా తమిళ , తెలుగు భాషల పలు సూపర్ హిట్ మూవీస్ లో తన అందం , అభినయం తో ప్రేక్షకులను అలరిస్తున్నారు. “ఆచార్య “మూవీ లో ఒక స్పెషల్ సాంగ్ లో నటించిన రెజీనా ప్రస్తుతం “పార్టీ”,”కళ్ళపార్టు “, “కాసాడ తపరా”(తమిళ ), తెలుగు , తమిళ భాషల “శూర్పాంగనై” , తెలుగు , తమిళ భాషల“శాకినీ ఢాకినీ ” మూవీస్ లో కథానాయికగా నటిస్తున్నారు. "ఏక్ లడకీ కో దేఖా తో ఐసా లగా" మూవీ తో బాలీవుడ్ కు పరిచయం అయిన రెజీనా ఇప్పుడు మరో బాలీవుడ్ మూవీ ఆఫర్ ను అందుకున్నారు.
పెన్ స్టూడియోస్ బ్యానర్ పై వివి వినాయక్ దర్శకత్వంలో బెల్లంకొండ సాయి శ్రీనివాస్ హీరో గా సూపర్ హిట్ "ఛత్రపతి "మూవీ హిందీ రీమేక్ తెరకెక్కుతున్న విషయం తెలిసిందే. ఈ మూవీ తో దర్శకుడు వినాయక్ , హీరో బెల్లంకొండ బాలీవుడ్ కు పరిచయం అవుతున్నారు.ఈ రీమేక్ మూవీ లో రెజీనా కథానాయికగా ఎంపిక అయ్యారు. "ఛత్రపతి" తెలుగు మూవీ కథాంశాన్ని హిందీ నేటివిటీకి అనుగుణంగా మార్పులు చేసి దర్శకుడు వినాయక్ తెరకెక్కిస్తున్నారు. ఇటీవలే ఈ చిత్రం హైదరాబాద్లో ప్రారంభమైంది. హీరో బెల్లంకొండ ను టాలీవుడ్ కు పరిచయం చేసిన దర్శకుడు వినాయక్ బాలీవుడ్ కు కూడా పరిచయం చేయడం విశేషం.







