సుధీర్ బాబు కూడా వరుసగా సినిమాలు చేసుకుంటూ వెళుతున్నాడు. గత ఏడాది వి సినిమాతో ప్రేక్షకుల ముందుకు వచ్చిన సుధీర్ బాబు ఈ ఏడాది అదే జోష్ తో వరుస సినిమాలను చేసే పనిలో పడ్డాడు. ప్రస్తుతం అతను పలాస 1978 ఫేమ్ కరుణ కుమార్ దర్శకత్వంలో “శ్రీదేవి సోడా సెంటర్” సినిమా చేస్తున్నాడు. ఈసినిమా విడుదలకు సిద్ధమవుతోంది. నెక్స్ట్ ఇంద్రగంటి తో ‘సమ్మోహనం’, వి తరువాత “ఆ అమ్మాయి గురించి మీకు చెప్పాలి” అనే సినిమాలో నటించబోతున్నారు. ఈ రెండు సినిమాలే కాకుండా తాజాగా మరో చిత్రాన్ని ప్రకటించాడు.
శ్రీ వెంకటేశ్వర సినిమాస్ ఎల్ఎల్ పి బ్యానర్ పై నారాయణ్ దాస్ కె నారంగ్, పుస్కుర్ రామ్ మోహన్ రావు నిర్మాతలుగా సుధీర్ బాబు హీరోగా మరో చిత్రాన్ని చేయబోతున్నాడు. ప్రముఖ నటుడు, రచయిత హర్షవర్ధన్ దర్శకత్వంలో ఈసినిమా తెరకెక్కుతుంది. ఇంకా టైటిల్ ఖరారు చేయని ఈ చిత్రాన్ని పక్కా ఫ్యామిలీ ఎంటర్టైనర్ గా తెరకెక్కించబోతున్నట్టు తెలుస్తుంది. ఇక ఇందులో హీరోయిన్, ఇతర నటీనటులు, సాంకేతిక నిపుణుల ఎంపిక జరుగుతోంది. పూర్తి వివరాలు త్వరలోనే తెలియచేయనున్నారు.
S@SVCLLP
Here’s Announcing our @SVCLLP's #ProdNo5 📢 with the ‘Unique Duo’ ✌️
ఇక ఇప్పటికే శ్రీ వెంకటేశ్వర సినిమాస్ పై రానున్న నాగ చైతన్య లవ్ స్టోరీ విడుదలకు రెడీగా ఉంది. అలాగే శేఖర్ కమ్ముల – ధనుష్ కాంబినేషన్ లో కూడా మరో సినిమా చేస్తున్నారు. ఇప్పుడు సుధీర్ బాబు, హర్షవర్ధన్ సినిమాను ప్రకటించారు. ఈసినిమా షూటింగ్ ఆగష్ట్ నుండి మొదలుపెట్టనున్నట్టు తెలుస్తుంది.ఇంకా కొన్ని క్రేజీ ప్రాజెక్టులను ఈ సంస్థ ప్రకటించే ఆలోచనలో ఉంది.