లెజెండరీ డైరెక్టర్ మణిరత్నం "నవరస "పేరుతో వెబ్ సిరీస్ రూపొందిస్తున్న విషయం తెలిసిందే. 9 ఎపిసోడ్స్ ఉన్న ఈ వెబ్ సిరీస్ కు తొమ్మిది మంది డైరెక్టర్స్ దర్శకత్వం వహిస్తున్నారు. నవరసాల నేపథ్యంలో తెరకెక్కుతున్న ఈఎపిసోడ్స్ లో ఒక్కో ఎపిసోడ్ ఒక్కో ఎమోషన్ తో ఉంటుంది. రతీంద్రన్ ఆర్. ప్రసాద్, అరవింద్ స్వామి, బిజోయ్ నంబియార్, గౌతమ్ వాసుదేవ మీనన్, సర్జున్ కె.ఎం, ప్రియదర్శన్, కార్తీక్ నరేన్, కార్తీక్ సుబ్బరాజ్, వసంత్ ఇలా తొమ్మిది మంది దర్శకులు 9 భాగాలను తెరకెక్కిస్తున్నారు. ఇప్పటికే చిత్రీకరణ పూర్తి చేసుకున్న ‘నవరస’ ప్రస్తుతం పోస్ట్ ప్రొడక్షన్ పనులు జరుపుకుంటుంది. ఆగస్టు 6వ తేదీన ప్రముఖ ఓటీటీ ‘నెట్ఫ్లిక్స్’ వేదికగా స్ట్రీమింగ్ కానుంది. ఇక తాజాగా ఈ వెబ్ సిరీస్ టీజర్ ను రిలీజ్ చేశారు.
m@menongautham
9 Stories, 9 Emotions, 1 Heart. #Navarasa premieres 6th August only on Netflix. #Navarasa #NavarasaOnNetflix @netflix_insouth @NetflixIndia#TamilFilmIndustryComesTogether
ఇదిలా ఉండగా ఈ వెబ్ సిరీస్ లో కాస్టింగ్ కూడా భారీగానే ఉంది. స్టార్ హీరోలు కూడా ఈవెబ్ సిరీస్ లో నటిస్తున్నారు. సూర్య, సిద్ధార్థ్, ప్రకాశ్రాజ్, విజయ్ సేతుపతి, రేవతి, ఐశ్వర్యరాజేశ్, అరవింద్ స్వామి, రోబో శంకర్, యోగిబాబు తదితరులు కీలక పాత్రలు పోషిస్తున్నారు. మరి అత్యంత భారీగా తెరకెక్కుతున్న ఈవెబ్ సిరీస్ ఎలా ఉంటుందో తెలియాలంటే మాత్రం రిలీజ్ వరకూ ఆగాల్సిందే.