ప్రస్తుతం రాజమౌళి దర్శకత్వంలో ఎన్టీఆర్, చరణ్ ఆర్ఆర్ఆర్ సినిమా చేస్తున్న సంగతి తెలిసిందే కదా. ఆర్ఆర్ఆర్ సినిమా తరువాత ఎన్టీఆర్ కొరటాల శివతో సినిమాను పట్టాలెక్కించనుండగా రామ్ చరణ్ శంకర్ తో సినిమాను చేయనున్నాడు. అయితే చరణ్-శంకర్ సినిమాను ఎప్పుడో ప్రకటిచినప్పటికీ మధ్యలో లైకా వివాదం రావడంతో ఈసినిమా ఇప్పట్లో ఉండే అవకాశం లేదని ఫిక్స్ అయిపోయారు. తమ ఇండియన్ 2 సినిమాను కంప్లీట్ చేసిన తరువాతే శంకర్ వేరే సినిమాను చేయాలన్న కండీషన్ పెట్టింది. ఇక దీనిపై వాదించిన కోర్టు కూడా మీరు మీరు తేల్చుకోవాలని చెప్పినా కూడా అవేమీ వర్కవుట్ కాలేదు. రీసెంట్ గానే ఈసినిమాకు కోర్టు లైన్ క్లియర్ చేసినట్టు తెలుస్తుంది. శంకర్ పై లైకా ఇచ్చిన నిషేధాన్ని హైకోర్టు నిన్న కొట్టివేసింది. దీంతో ఈసినిమాకు లైన్ క్లియర్ అయిపోయింది.
ఈనేపథ్యంలోనే రామ్ చరణ్ దిల్ రాజు నిన్న శంకర్ ను కలిసినట్టు తెలుస్తుంది. ఈసందర్భంగా రామ్ చరణ్ ట్వీట్ కూడా చేశాడు. చెన్నైలో నిన్న అద్భుతమైన రోజుగా గడిచింది. ఇంత గొప్ప ఆతిథ్యమిచ్చినందుకు మీకు మీ కుటుంబానికి థ్యాంక్స్ శంకర్ సర్. మన సినిమా కోసం ఎదురు చూస్తున్నాను. అతి త్వరలో అన్ని వివరాలు తెలుస్తాయి’ అంటూ చరణ్ ట్వీట్ చేశాడు.
A@AlwaysRamCharan
Had a fabulous day in Chennai yesterday ! Thank you @shankarshanmugh Sir and family for being such great hosts. Looking forward to #RC15. Updates coming very soon! @SVC_official #SVC50
ఇక మరోవైపు చరణ్ ఆర్ఆర్ఆర్ సినిమా షూటింగ్ కంప్లీట్ చేసుకునేలోపు శంకర్ స్క్రిప్ట్ వర్క్.. ప్రీ ప్రొడక్షన్ పనులు పూర్తి చేసుకుంటాడు. దిల్ రాజు భారీ బడ్జెట్ తో ఈసినిమా తెరకెక్కిస్తున్నాడు. మరి తెలుగు, తమిళ్ లో తెరకెక్కునున్న ఈసినిమా ఎన్ని రికార్డులు క్రియేట్ చేస్తుందో చూద్దాం...