ఫీమేల్ సెంట్రిక్ ఫిల్మ్ లో పూజా హెగ్డే?
Pooja Hegde To Act In Female Centric Movies
ఒకవైపు గ్లామర్ రోల్స్ లో మురిపిస్తూనే.. మరోవైపు పెర్ ఫార్మెన్స్ ఓరియెంటెడ్ రోల్స్ లోనూ అలరిస్తోంది పూజా హెగ్డే. వరుస విజయాలతో ముందుకు సాగుతున్న ఈ స్టన్నింగ్ బ్యూటీ.. త్వరలో ఓ హీరోయిన్ ఓరియెంటెడ్ ఫిల్మ్ లో నటించబోతోందట.
ఆ వివరాల్లోకి వెళితే... `అందాల రాక్షసి`, `కృష్ణగాడి వీరప్రేమగాథ`, `లై`, `పడి పడి లేచె మనసు` చిత్రాల దర్శకుడు హను రాఘవపూడి ఓ నాయికా ప్రాధాన్యమున్న కథను సిద్ధం చేసుకున్నాడట. ఆ కథలో నాయిక పాత్రకి పూజ అయితేనే బావుంటుందని భావించి... ఆమెతో సంప్రదింపులు జరిపాడట. కథ, పాత్ర నచ్చడంతో పూజ కూడా వెంటనే గ్రీన్ సిగ్నల్ ఇచ్చిందని టాక్. త్వరలోనే పూజ, హను కాంబినేషన్ మూవీపై క్లారిటీ వస్తుంది.
ప్రస్తుతం `మోస్ట్ ఎలిజిబుల్ బ్యాచ్ లర్`తో పాటు `ప్రభాస్ 20`లో నటిస్తోంది పూజ. అలాగే సల్మాన్ ఖాన్ హీరోగా నటించనున్న హిందీ చిత్రం `కభీ ఈద్ కభీ దీవాళి`లోనూ పూజనే నాయిక. మరి.. తొలిసారి ఫీమేల్ సెంట్రిక్ ఫిల్మ్ లో నటించనున్న పూజకి సదరు చిత్రం ఎలాంటి గుర్తింపుని తీసుకువస్తుందో చూడాలి.







