`దిల్`రాజు సంక్రాంతి విజయపరంపరని కొనసాగిస్తాడా?
Dil Raju Continues His Sankranti Festival Tradition
సక్సెస్ ఫుల్ ప్రొడ్యూసర్ `దిల్` రాజుకి అచ్చొచ్చిన సీజన్స్ లో సంక్రాంతి ఒకటి. `సీతమ్మ వాకిట్లో సిరిమల్లె చెట్టు`(2013) మొదలుకుని `ఎవడు`(2014), `శతమానం భవతి`(2017), `ఎఫ్ 2` (2019) వరకు ముగ్గుల పండక్కి వచ్చిన ప్రతీ `దిల్` రాజు సినిమా కమర్షియల్ గా సూపర్ సక్సెస్ అయింది.
ఈ నేపథ్యంలో.. రాజు నిర్మాణ భాగస్వామ్యంలో రూపొందిన `సరిలేరు నీకెవ్వరు` కూడా సంక్రాంతి సీజన్ లోనే విడుదల కానుండడం.. పాజిటివ్ వైబ్స్ ని మరింతగా పెంచుతోంది. ఇక `సీతమ్మ వాకిట్లో సిరిమల్లె చెట్టు` తరువాత సూపర్ స్టార్ మహేష్ బాబు, `దిల్` రాజు కాంబోలో వస్తున్న సినిమా కావడంతో.. `సరిలేరు నీకెవ్వరు`పై ఆ అంచనాలు రెట్టింపయ్యాయి.
మరి... ఇప్పటికే నాలుగు సార్లు `సంక్రాంతి` విజయాలు అందుకుని `సంక్రాంతి రాజు` అనిపించుకున్న `దిల్` రాజు... `సరిలేరు నీకెవ్వరు`తోనూ ఆ పరంపరని కొనసాగించి ఐదో పొంగల్ హిట్ ని తన ఖాతాలో వేసుకుంటాడేమో చూడాలి.
కాగా, రేపు (జనవరి 11) ప్రపంచవ్యాప్తంగా `సరిలేరు నీకెవ్వరు` థియేటర్లలో సందడి చేయనుంది.




