2020 జనవరిలో మెహరీన్ ట్రిపుల్ ధమాకా
Mehreen To Give Triple Dhamaka To Audience In January 2020

`హనీ ఈజ్ ద బెస్ట్` అంటూ ఈ సంక్రాంతికి `ఎఫ్ 2` రూపంలో సెన్సేషనల్ హిట్ ని మూటగట్టుకుంది పంజాబీ జాబిలి మెహరీన్. ఇక దసరాకి వచ్చిన `చాణక్య` ఆశించిన విజయం సాధించకపోయినా... నటిగా తనకి మంచి గుర్తింపునే తీసుకువచ్చింది.
ఇదిలా ఉంటే... 2020లో మొదటి నెల(జనవరి)లోనే ముచ్చటగా మూడు సినిమాలతో సందడి చేయబోతోంది మెహరీన్. ఆ వివరాల్లోకి వెళితే... జనవరి 15న మెహరీన్ నాయికగా నటించిన తెలుగు చిత్రం `ఎంత మంచివాడవురా` (కళ్యాణ్ రామ్ హీరో) విడుదల కానుండగా, ఆ నెక్స్ట్ డే అంటే జనవరి 16న తమిళ సినిమా `పట్టాస్` (ధనుష్ కథానాయకుడు) ప్రేక్షకుల ముందుకు రానుంది. ఇక నెలాఖరులో అంటే జనవరి 31న మరో తెలుగు మూవీ `అశ్వథ్థామ` (నాగశౌర్య హీరో) రిలీజ్ కానుంది. మరి... ఒకే నెలలో మూడు ఇంట్రెస్టింగ్ ప్రాజెక్ట్స్ తో పలకరిస్తున్న ఈ టాలెంటెడ్ బ్యూటీ... ఆ యా చిత్రాలతో ఏ స్థాయి విజయాలు అందుకుంటుందో చూడాలి.





