రజనీకాంత్ 168వ మూవీ ప్రారంభం

సన్ పిక్చర్స్ బ్యానర్ పై తమిళ సూపర్ స్టార్ రజనీకాంత్, కీర్తి సురేష్ జంటగా సక్సెస్ ఫుల్ చిత్ర దర్శకుడు శివ దర్శకత్వంలో రజనీకాంత్ 168 వ మూవీ ఈ రోజు పూజ కార్యక్రమం జరుపుకుంది. ఈ కార్యక్రమానికి రజనీకాంత్, మీనా, ఖుష్బూ, దర్శకుడు శివ, నిర్మాతలు హాజరయ్యారు.ఈ మూవీ లో మీనా, ఖుష్బూ, ప్రకాష్ రాజ్, సూరి ముఖ్య పాత్రలలో నటిస్తున్నారు.

సూపర్ స్టార్ రజనీకాంత్ 168వ మూవీ షూటింగ్ ఫస్ట్ షెడ్యూల్ హైదరాబాద్ లో, సెకండ్ షెడ్యూల్ చెన్నై లో జరుగనుంది. ఈ మూవీ లో రజనీకాంత్ తో 24 సంవత్సరాల తరువాత మీనా, 27 సంవత్సరాల తరువాత ఖుష్బూ నటించడం విశేషం. ఏ ఆర్ మురుగదాస్ దర్శకత్వంలో రజనీకాంత్ నటించిన “దర్బార్ “మూవీ సంక్రాంతికి రిలీజ్ కానుంది. తలైవా రజనీకాంత్ తో సన్ పిక్చర్స్ నిర్మించిన “రోబో “, “పేట “మూవీస్ ఘనవిజయం సాధించిన విషయం తెలిసిందే. భారీ బడ్జెట్, భారీ తారాగణం తో రూపొందుతున్న ఈ మూవీ పై భారీ అంచనాలు నెలకొన్నాయి.