ప్రభాస్ కోసం శంకర్ స్క్రిప్ట్?
Sensational Director Shankar Prepares Movie Script For Prabhas
`బాహుబలి` సిరీస్ తో జాతీయస్థాయిలో గుర్తింపు తెచ్చుకున్నాడు యంగ్ రెబల్ స్టార్ ప్రభాస్. ఇక `సాహో`తో అయితే బాలీవుడ్ లో మరోసారి సత్తా చాటాడు. పాన్ ఇండియా స్టార్ గా ముందుకు సాగుతున్న ప్రభాస్ కోసం పలువురు అగ్ర దర్శకులు వేచిచూస్తున్నారు. వారిలో `రోబో` శంకర్ ఒకరు.
ప్రస్తుతం లోక నాయకుడు కమల్ హాసన్ తో `ఇండియన్ 2`ని తెరకెక్కిస్తున్న శంకర్... ఆ తరువాత మరో పాన్ ఇండియా మూవీని ప్లాన్ చేస్తున్నాడట. అంతేకాదు... తన శైలికి తగ్గట్టుగానే సోషల్ మెసేజ్ తో స్క్రిప్ట్ తయారు చేస్తున్నాడని... ముఖ్యంగా ఈ స్క్రిప్ట్ ని ప్రభాస్ ని దృష్టిలో పెట్టుకుని డిజైన్ చేస్తున్నాడని కోలీవుడ్ టాక్. అలాగే... `బాహుబలి`ని మించిన బడ్జెట్ తో ఈ క్రేజీ ప్రాజెక్ట్ ఉంటుందని వినికిడి. మరి... శంకర్, ప్రభాస్ కాంబినేషన్ ఎంతవరకు వర్కవుట్ తెలియాలంటే కొన్నాళ్ళు ఆగాల్సిందే.





