మ‌రోసారి తార‌క రాముడి స‌మేతంగా త్రివిక్ర‌ముడు?

యంగ్ టైగ‌ర్ య‌న్టీఆర్‌ని కొత్త కోణంలో ఆవిష్క‌రించిన చిత్రాల‌లో `అర‌వింద స‌మేత వీర రాఘ‌వ‌` ఒక‌టి. గ‌త ఏడాది విజ‌య‌ద‌శ‌మి కానుక‌గా విడుద‌లైన ఈ సినిమాకి ఏస్ ఫిల్మ్ మేక‌ర్ త్రివిక్ర‌మ్ శ్రీ‌నివాస్ ద‌ర్శ‌క‌త్వం వ‌హించాడు. బాక్సాఫీస్ వ‌ద్ద వ‌సూళ్ళ వ‌ర్షం కురిపించిన ఈ క్రేజీ కాంబినేష‌న్‌లో మ‌రో చిత్రం రానుంద‌ని స‌మాచారం.

వినిపిస్తున్న క‌థ‌నాల ప్ర‌కారం… ఇప్ప‌టికే తారక్ కోసం త్రివిక్రమ్ ఓ కథను సిద్ధం చేసాడని… ఇందులోనూ క‌థానాయ‌కుడి పాత్ర చాలా వైవిధ్యంగా ఉంటుంద‌ని తెలిసింది. అంతేకాదు… ఈ చిత్రాన్ని య‌న్టీఆర్ ఆర్ట్స్ ప‌తాకంపై తారక్ సోదరుడు నంద‌మూరి కళ్యాణ్ రామ్ నిర్మించనున్నాడని టాక్. ప్రస్తుతం ‘ఆర్ ఆర్ ఆర్’తో తారక్, అల్లు అర్జున్ కాంబినేష‌న్ మూవీతో త్రివిక్రమ్ బిజీగా ఉన్న నేప‌థ్యంలో… ఆ సినిమాలు పూర్తైన తరువాతే ఈ అప్‌కమింగ్ ప్రాజెక్ట్ ఉంటుందని సన్నిహిత వర్గాల భోగట్టా. అంటే… 2020 వేస‌విలో ఈ క్రేజీ ప్రాజెక్ట్ పట్టాలెక్కనుందన్నమాట.

త్వ‌ర‌లోనే తార‌క్‌, త్రివిక్ర‌మ్ కాంబినేష‌న్ మూవీపై మ‌రింత స్ప‌ష్ట‌త వచ్చే అవ‌కాశ‌ముంది.