విజయ్ కొత్త చిత్రంలో 18 మంది హీరోయిన్లు...?
18 Heroines in Thalapathy Vijay New Movie

`మెర్సల్` (అదిరింది), `సర్కార్` చిత్రాలతో రెండు వరుస ఘనవిజయాలను అందుకున్న తమిళ స్టార్ హీరో విజయ్... ప్రస్తుతం `రాజా రాణి` ఫేమ్ అట్లీ దర్శకత్వంలో ఓ సినిమా చేస్తున్న సంగతి తెలిసిందే. `తెరి`(పోలీస్), `మెర్సల్` తరువాత విజయ్ - అట్లీ కాంబినేషన్లో వస్తున్న మూవీ కావడంతో... తమిళనాట ఈ చిత్రంపై భారీ అంచనాలే ఉన్నాయి. నయనతార ఓ కథానాయికగా నటిస్తున్న ఈ సినిమాకి ఎ.ఆర్.రెహమాన్ సంగీతమందిస్తున్నాడు. ఇదిలా ఉంటే... ఈ సినిమాలో ఏకంగా 18 మంది హీరోయిన్లు నటించనున్నారని సమాచారం.
ఆ వివరాల్లోకి వెళితే... స్పోర్ట్స్ డ్రామాగా తెరకెక్కుతున్న ఈ క్రేజీ ప్రాజెక్ట్లో విజయ్ విమెన్స్ ఫుట్ బాల్ కోచ్ గా కనిపించనున్నాడట. ఆ టీమ్ ప్లేయర్స్గా 16 మంది యువ కథానాయికలు నటిస్తుండగా... విజయ్కి జోడీగా నయన్తో పాటు మరో హీరోయిన్ కూడా నటించనుందట. సో... అలా విజయ్ చిత్రంలో మొత్తం 18 మంది కథానాయికలు సందడి చేయబోతున్నారన్నమాట. దీపావళి కానుకగా ఈ సినిమా ప్రేక్షకుల ముందుకు రానుంది. తెలుగులోనూ ఈ చిత్రం అనువాదం కానుంది.









