తెలుగమ్మాయిగా మెగాస్టార్ చేతుల మీదుగా బ్లెస్సింగ్స్ తీసుకోవడం నా అదృష్టం - శ్రీ గౌరీ ప్రియ
Getting Blessed by Megastar Chiranjeevi Is a Dream Come True Says Sri Gouri Priya

కిరణ్ అబ్బవరం, శ్రీ గౌరీ ప్రియ జంటగా నటించిన ఫీల్ గుడ్ యూత్ఫుల్ ఎంటర్టైనర్ ‘చెన్నై లవ్ స్టోరీ’. ఎస్కేఎన్, సాయి రాజేష్ సంయుక్తంగా నిర్మించిన ఈ చిత్రానికి రవి నంబూరి దర్శకత్వం వహించారు. మెలొడీ బ్రహ్మ మణిశర్మ సంగీతం అందించిన ఈ సినిమా జూలై 24న గ్రాండ్గా విడుదల కానుంది. ఈ సందర్భంగా బుధవారం హైదరాబాద్లో నిర్వహించిన గ్రాండ్ ప్రీ-రిలీజ్ ఈవెంట్కు మెగాస్టార్ చిరంజీవి ముఖ్య అతిథిగా హాజరై సందడి చేశారు.
ప్రీ-రిలీజ్ ఈవెంట్లో కథానాయిక శ్రీ గౌరీ ప్రియ మాట్లాడుతూ.. "ఒక తెలుగమ్మాయిగా ఇండస్ట్రీలో నిలదొక్కుకోవడానికి ప్రయత్నిస్తున్న నాకు, సాక్షాత్తూ మెగాస్టార్ చిరంజీవి గారి ముందు మాట్లాడటం, ఆయన ఆశీస్సులు అందుకోవడం మాటల్లో చెప్పలేని ఆనందాన్ని ఇస్తోంది. 'కలర్ ఫోటో', 'బేబీ' వంటి చిత్రాల తర్వాత ఎస్కేఎన్, సాయి రాజేష్ గార్ల నిర్మాణంలో నటించడం గర్వంగా ఉంది. ఈ సినిమాలో నా పాత్ర చాలా సహజంగా, ప్రతి ఒక్కరికీ కనెక్ట్ అయ్యేలా ఉంటుంది. మణిశర్మ గారు అందించిన ప్రతీ పాట ఒక మ్యాజిక్. జూలై 24న థియేటర్లలో ఈ 'చెన్నై లవ్ స్టోరీ' మీ అందరి హృదయాలను ఖచ్చితంగా గెలుచుకుంటుంది" అని తెలిపారు.







