నందమూరి కళ్యాణ్ రామ్ ప్రస్తుతం తన రూట్ ను మార్చి విభిన్నమైన కథనలను ఎంటుకుంటూ వెళుతున్నాడు. ఇక మల్లిడి విశిష్ట దర్శకత్వంలో బింబిసార సినిమా తీసి సూపర్ హిట్ ను కొట్టాడు. ఈ సినిమాలో కళ్యాణ్ రామ్.. బింబిసారుడుగా, దేవదత్తుడుగా రెండు విభిన్న పాత్రల్లో అలరించాడు. ఇక కలెక్షన్స్ పరంగా కూడా కళ్యాణ్ రామ్ కెరీర్ బెస్ట్ కలెక్షన్స్ అందుకుంటున్నాడు. ఈసినిమాకు ప్రీక్వెల్ కూడా వస్తున్న సంగతి తెలిసిందే కదా.
తాజాగా ఈ ప్రీక్వెల్కు సంబంధించిన అప్డేట్ను ప్రకటించారు మేకర్స్. ఈరోజు కళ్యాణ్రామ్ బర్త్ డే అన్న సంగతి తెలిసిందే కదా. ఈ సందర్భంగా ఆయనకు పుట్టినరోజు శుభాకాంక్షలు తెలుపుతూ.. NKR22 అఫీషియల్ అనౌన్స్ మెంట్స్ ఇస్తూ పోస్టర్ విడుదల చేశారు. ఈ పోస్టర్పై తిగర్తల సామ్రాజ్యాన్ని బింబిసార కంటే వందల ఏళ్ళ ముందు పాలించిన పురాణ పురుషుడి ధర్మగాథను చూడడానికి సిద్ధంగా ఉండండి అంటూ మేకర్స్ రాసుకోచ్చారు.
కాగా ఈసినిమాకు మల్లిడి వశిష్ట దర్శకత్వం వహించట్లేదు. కొత్త దర్శకుడు అనిల్ పాడురి ఈ సినిమాకు దర్శకత్వం వహించబోతున్నాడు. కోసరాజు హరికృష్ణ నిర్మిస్తున్నాడు. ఈ సినిమాకు సంబంధించిన మరిన్ని విషయాలను త్వరలో తెలియచేయనున్నారు మేకర్స్.