వైభవంగా జరిగిన మంచు మనోజ్, మౌనికా రెడ్డి ల వివాహం
Manchu Manoj gets married to Bhuma Mounika Reddy

హీరో మంచు మనోజ్, మౌనికారెడ్డిల వివాహం శుక్రవారం రాత్రి హైదరాబాద్లో ఘనంగా జరిగింది. మంచు కుటుంబసభ్యులతో పాటు పలువురు సినీ, రాజకీయ ప్రముఖులు మనోజ్, మౌనిక వివాహ వేడుకలో పాల్గొన్నారు.ఫిల్మ్ నగర్లోని మోహన్బాబు ఇంటిలోనే వీరి వివాహ వేడుక ఘనంగా జరిగింది. మనోజ్, మౌనిక పెళ్లికి ఇరువురి కుటుంబసభ్యులతో పాటు కొద్ది మంది సన్నిహితులు హాజరయ్యారు. మంచు మోహన్బాబు, విష్ణుతో పాటు ఇతర కుటుంబసభ్యులు కొత్త జంటను ఆశీర్వదించారు.
గత ఏడాది హైదరాబాద్లో వినాయకచవితి ఉత్సవాల్లో మౌనికరెడ్డితో కలిసి మనోజ్ పాల్గొనడంతో.అప్పటినుంచే వీరి పెళ్లి వార్తలు మొదలయ్యాయి. ఇరు కుటుంబసభ్యుల అనుమతితో శుక్రవారం ఈ జంట పెళ్లిపీటలెక్కారు. మనోజ్, మౌనిక పెళ్లి వేడుకలో వైఎస్ విజయమ్మ, మౌనికా రెడ్డి సోదరి అఖిలప్రియతో పాటు శాంతబయోటెక్ అధినేత వరప్రసాద్రెడ్డి..పాల్గొన్నారు. మనోజ్, మౌనిక పెళ్లి ఫొటోలు సోషల్ మీడియాలో వైరల్ గా మారాయి.







