పోలీస్ ఆఫీసర్ సత్యగా సునీల్
Sunil plays Police Officer Satya role in his upcoming movie

కమెడియన్గా, హీరోగా, కారెక్టర్ ఆర్టిస్ట్గా, విలన్గా ఇలా అన్ని పాత్రలలో అద్భుతంగా పెర్ఫార్మ్ చేస్తూ సునీల్ ప్రేక్షకులను అలరిస్తున్న విషయం తెలిసిందే. పుష్ప :ది రూల్ , Mr కింగ్ మూవీస్ లో నటిస్తున్న సునీల్ ప్రస్తుతం కోలీవుడ్ లో బిజీగా ఉన్నారు. డిఫరెంట్ పాత్రలలో ప్రేక్షకులను అలరిస్తున్న సునీల్ ప్రస్తుతం రజనీకాంత్ జైలర్ , కార్తి జపాన్, శివకార్తికేయన్ మావీరన్ , విశాల్ మార్క్ ఆంటోనీ మూవీస్ లో నటిస్తున్నారు.
దండమూడి బాక్సాఫీస్ బ్యానర్ పై కృష్ణ చైతన్య దర్శకత్వంలో విశ్వంత్, సునీల్ ప్రధాన పాత్రలలో పోలీస్ బ్యాక్ డ్రాప్ లో సస్పెన్స్ థ్రిల్లర్ కథ వెనుక కథ మూవీ తెరకెక్కుతుంది. ఈ మూవీ లో సునీల్ ఏ సీపీ సత్య పాత్రలో నటిస్తున్నారు. కేశవ దీపక్ .. సత్యం రాజేశ్ .. శ్రీజిత ఘోష్ .. రఘుబాబు ముఖ్యమైన పాత్రలను పోషిస్తున్నారు.శ్రవణ్ భరద్వాజ్ సంగీతం అందిస్తున్నారు. ఈ మూవీ లో సునీల్ ,విశ్వంత్ పాత్రలు ఆసక్త్తికరంగా ఉంటాయని చిత్ర యూనిట్ తెలిపింది. నిన్న సునీల్ బర్త్ డే సందర్భంగా చిత్ర యూనిట్ బర్త్ డే విషెస్ తెలియజేస్తూ సునీల్ స్పెషల్ పోస్టర్ ను రిలీజ్ చేసింది. ఆ పోస్టర్ ప్రేక్షకులను ఆకట్టుకుంది.








