అమిగోస్ మూవీ ప్రీ రిలీజ్ ఈవెంట్ లో ఎన్టీఆర్ స్పీచ్
Jr NTR speech at Amigos Pre Release Event

మైత్రీ మూవీ మేకర్స్ బ్యానర్ పై రాజేంద్ర రెడ్డి దర్శకత్వంలో కళ్యాణ్ రామ్, ఆషిక రంగనాథ్ జంటగా తెరకెక్కిన అమిగోస్ మూవీ ఫిబ్రవరి 10, 2023 న రిలీజ్ కానుంది. ఈ మూవీలో బ్రహ్మాజీ, సప్తగిరి, రవి ప్రకాష్, శివన్నారాయణ, చైతన్య కృష్ణ, రఘు కారుమంచి, కళ్యాణి నటరాజన్, రాజశ్రీ నాయర్, సోనాక్షి వర్మ తదితరులు నటిస్తున్నారు. జిబ్రాన్ సంగీతం అందిస్తున్నారు. ఈ మూవీలో హీరో కళ్యాణ్ రామ్ మూడు పాత్రలలో నటించడం విశేషం.అమిగోస్ చిత్రయూనిట్ రిలీజ్ చేసిన పోస్టర్స్, టీజర్, ఎన్నో రాత్రులొస్తాయి రీమిక్స్ సాంగ్, ట్రైలర్ ప్రేక్షకులను విశేషంగా ఆకట్టుకున్నాయి.
అమిగోస్ మూవీ ప్రీ రిలీజ్ ఈవెంట్ హైదరాబాద్ లో ఫిబ్రవరి 5 వ తేదీ గ్రాండ్ గా జరిగింది. యంగ్ టైగర్ ఎన్టీఆర్ చీఫ్ గెస్ట్ గా పాల్గొన్నారు. యంగ్ టైగర్ ఎన్టీఆర్ మాట్లాడుతూ .. అన్నయ్య కళ్యాణ్ రామ్ తమ నందమూరి ఫ్యామిలీలో అత్యధికంగా ప్రయోగాత్మక సినిమాల్లో నటించిన హీరో అనీ, దర్శకుడు రాజేంద్ర రెడ్డి ఈ మూవీని ఎంతో అద్భుతంగా తెరకెక్కించినట్లు మనకి ట్రైలర్ ని చూస్తే అర్ధం అవుతుందనీ.. అలానే తప్పకుండా అమిగోస్ మూవీ నందమూరి కళ్యాణ్ రామ్ అన్నయ్య కెరీర్ లో పెద్ద మైల్ స్టోన్ మూవీగా నిలిచిపోవడం ఖాయం అనీ చెప్పారు. బ్లాక్ బస్టర్ బింబిసార మూవీ తర్వాత కళ్యాణ్ రామ్ హీరోగా తెరకెక్కిన అమిగోస్ మూవీపై భారీ అంచనాలు నెలకొన్నాయి.








