మైథలాజికల్ టచ్తో అశోక్ గల్లా రెండవ మూవీ ప్రారంభం
Ashok Galla New Movie Latest Updates

సూపర్ స్టార్ మహేష్బాబు సోదరి పద్మావతి, టీడీపీ ఎంపీ గల్లా జయదేవ్ కుమారుడు అశోక్ గల్లా హీరో సినిమాతో టాలీవుడ్ కు పరిచయం అయిన విషయం తెలిసిందే. అమెరికాలో యాక్టింగ్ కోర్సు నేర్చుకున్న అశోక్ ఆ మూవీలో అద్భుతంగా పెర్ఫార్మ్ చేసి ప్రేక్షకులను ఆకట్టుకున్నారు. గల్లా అశోక్ కొత్త సినిమా ఆదివారం హైదరాబాద్లో మొదలైంది. ఈ సినిమా ప్రారంభోత్సవ వేడుకకు వెంకటేష్తో పాటు మహేష్ బాబు సతీమణి నమ్రతా శిరోద్కర్, దర్శకుడు బోయపాటి శ్రీను గెస్ట్లుగా హాజరయ్యారు.
నల్లపనేని యామిని సమర్పణలో శ్రీ లలితాంబిక ప్రొడక్షన్స్ బ్యానర్ పై గుణ 369 మూవీ ఫేమ్ అర్జున్ జంధ్యాల దర్శకత్వంలో అశోక్ గల్లా హీరోగా మైథలాజికల్ టచ్తో తెరకెక్కనున్న మూవీ పూజా కార్యక్రమాలతో లాంఛనంగా ప్రారంభమైంది. సస్పెన్స్ థ్రిల్లర్గా రూపొందనున్న ఈ సినిమాకు ఆ!,, జాంబీరెడ్డి మూవీస్ ఫేమ్ ప్రశాంత్ వర్మ కథను అందిస్తున్నారు. భీమ్స్ సిసిరోలియో సంగీతాన్ని అందిస్తున్నారు. వికెక్టరీ వెంకటేష్ క్లాప్ తో ప్రారంభమైన ఈ మూవీ రెగ్యులర్ షూటింగ్ త్వరలోనే ప్రారంభంకానుంది







