బ్లాక్ బస్టర్ గీత గోవిందం మూవీ సీక్వెల్ అప్ డేట్
Vijay Deverakonda Geetha Govindam Movie Sequel Update

అల్లు అరవింద్ సమర్పణలో GA 2 పిక్చర్స్ బ్యానర్ పై పరశురామ్ దర్శకత్వంలో విజయ్ దేవరకొండ, రష్మిక జంటగా తెరకెక్కిన రొమాంటిక్ కామెడీ గీతగోవిందం మూవీ 2018 ఆగష్ట్ 15 వ తేదీ రిలీజ్ అయ్యి ఘనవిజయం సాధించి 100 కోట్ల క్లబ్ లో చేరింది.ఈ సినిమాలో అసిస్టెంట్ ప్రొఫెసర్ గా నటించిన విజయ్ దేవరకొండ కొత్త లుక్ తో ఫ్రెష్ గా కనిపించి సెటిల్డ్ పెర్ఫార్మెన్స్ తో హీరోగా తన పాత్రకి పూర్తి న్యాయం చేశారు. ఈ మూవీ లో రష్మిక అద్భుతంగా పెర్ఫార్మ్ చేసి బెస్ట్ యాక్ట్రెస్ గా ఫిల్మ్ ఫేర్ క్రిటిక్స్ అవార్డ్ అందుకున్నారు. విజయ్, రష్మిక ల స్క్రీన్ కెమిస్ట్రీ ప్రేక్షకులను అలరించింది. ఈ బ్లాక్ బస్టర్ మూవీతో హీరో విజయ్, రష్మిక స్టార్ డమ్ అందుకున్నారు.
త్వరలో ఈ మూవీకి సీక్వెల్ రానుందనేది లేటెస్ట్ సమాచారం. ఇటీవల సూపర్ స్టార్ మహేష్ బాబుతో సర్కారు వారి పాట వంటి బ్లాక్ బస్టర్ సక్సెస్ అందుకున్న దర్శకుడు పరశురాం పెట్ల ప్రస్తుతం గీత గోవిందం సీక్వెల్ స్టోరీ సిద్ధం చేసే పనిలో ఉన్నట్లు.. మొదటి భాగాన్ని మించేలా మరింత అద్భుతంగా పరశురామ్ ఈ సీక్వెల్ మూవీని సిద్ధం చేస్తున్నారనీ.. అలానే దీనికి సంబందించిన పూర్తి వివరాలు త్వరలో అధికారికంగా వెల్లడి కానున్నాయనీ సమాచారం.








