కాంతార హీరో , దర్శకుడు రిషబ్ శెట్టి పై అనసూయ ప్రశంసలు
Anasuya is all praises for Rishab Shetty

హోంబలే ఫిల్మ్స్ బ్యానర్పై స్వీయ దర్శకత్వంలో కన్నడ స్టార్ హీరో రిషబ్ శెట్టి ప్రధాన పాత్రలో నటించిన కాంతార కన్నడ మూవీ సెప్టెంబర్ 30వ తేదీన రిలీజ్ అయ్యి ఘనవిజయం సాధించిన విషయం తెలిసిందే. ఈ చిత్రంలో కిషోర్, అచ్యుత్ కుమార్, సప్తమి గౌడ, ప్రమోద్ శెట్టి కీలక పాత్రలలో నటించారు. బి .అజనీష్ లోకనాథ్ సంగీతం అందించారు. కాంతార మూవీ అన్ని భాషలలోనూ భారీ కలెక్షన్స్ తో దూసుకుపోతోంది. ప్రపంచవ్యాప్తంగా కాంతార మూవీ 400 కోట్లకు పైగా కలెక్ట్ చేసింది. ఈ మూవీ పై ప్రేక్షకులతో పాటు సినీ ప్రముఖులు ప్రశంసలు కురిపిస్తున్న విషయం తెలిసిందే.
తాజాగా సక్సెస్ ఫుల్ యాంకర్, టాలెంటెడ్ యాక్ట్రెస్ అనసూయ కాంతార హీరో, దర్శకుడు రిషబ్ శెట్టి పై ప్రశంసలు కురిపించారు. అనసూయ మాట్లాడుతూ రిషబ్ శెట్టి ఈ సినిమాలో నమ్మశక్యంకాని రీతిలో యాక్ట్ చేశారనీ, ఆ సినిమా ప్రభావం నుంచి తాను వేగంగా బయటికి రాలేకపోయాననీ, ఈ మూవీ ని రిషబ్ అద్భుతంగా తెరకెక్కించారనీ చెప్పారు. అనసూయ ప్రస్తుతం పుష్ప :ది రూల్, రంగమార్తాండ మూవీస్ లో నటిస్తున్నారు.







