వరల్డ్ ఫేమస్ సినిమా మ్యాగజైన్ ఎంపైర్ లో ఆర్ ఆర్ ఆర్ ఆర్టికల్
RRR Article In World Famous Magazine

డివివి ఎంటర్ టైన్ మెంట్స్ బ్యానర్ పై స్టార్ డైరెక్టర్ రాజమౌళి దర్శకత్వంలో మెగా పవర్ స్టార్ రామ్ చరణ్ , యంగ్ టైగర్ ఎన్టీఆర్ హీరోలు గా భారీ బడ్జెట్ , భారీ తారాగణం తో తెరకెక్కిన పీరియాడికల్ యాక్షన్ డ్రామా రౌద్రం రణం రుధిరం మూవీ మార్చి 25 వ తేదీ ప్రపంచవ్యాప్తంగా రిలీజ్ అయ్యి సూపర్ హిట్ టాక్ సొంతం చేసుకుని ప్రపంచవ్యాప్తంగా 1140కోట్లకు పైగా కలెక్షన్స్ సాధించింది. మన్యం వీరుడు అల్లూరి సీతారామరాజు పాత్రలో మెగా పవర్ స్టార్ రామ్ చరణ్, గోండు వీరుడు కొమురం భీమ్ గా ఎన్టీఆర్ తమ పవర్ ఫుల్ యాక్టింగ్ టాలెంట్ తో ప్రేక్షకులను అలరించారు.ఆర్ ఆర్ ఆర్ మూవీ పై హాలీవుడ్ ప్రముఖులు ప్రశంసలు కురిపించిన విషయం తెలిసిందే.
హాలీవుడ్ లో పలు ఫిల్మ్ ఫెస్టివల్స్ లో ఆర్ ఆర్ ఆర్ సినిమాని ప్రదర్శించారు. ఇటీవలే హాలీవుడ్ కి సంబంధించిన సాటర్న్ అవార్డుల్లో బెస్ట్ ఇంటర్నేషనల్ మూవీ అవార్డు ఆర్ ఆర్ ఆర్ మూవీ సాధించింది.వరల్డ్ ఫేమస్ సినిమా మ్యాగజైన్ ఎంపైర్ , దర్శకుడు రాజమౌళిని ఇంటర్వ్యూ చేసి వారి మ్యాగజైన్ లో ఆర్ ఆర్ ఆర్ గురించి స్పెషల్ ఆర్టికల్ ప్రచురించారు.ఎంపైర్ మ్యాగజైన్ లో ఆర్ ఆర్ ఆర్ సినిమా గురించి, రాజమౌళి డైరెక్షన్ గురించి గొప్పగా రాయడంతో రాజమౌళి స్పందించి , ఆర్ ఆర్ ఆర్ ప్రపంచ వ్యాప్తంగా ఇంత గుర్తింపు రావడం చాలా సంతోషంగా ఉందనీ , ఇంత ప్రఖ్యాత మ్యాగజైన్ లో మా సినిమా గురించి రాయడం ఆనందంగా ఉందనీ చెప్పారు.







