జపనీస్ భాషలో హీరో విజయ్ మాస్టర్ మూవీ రిలీజ్
Master Movie To Release In Japan

జపనీస్ భాషలో పలు తమిళ , తెలుగు మూవీస్ డబ్బింగ్ వెర్షన్స్ సందడి చేస్తున్న విషయం తెలిసిందే. జపాన్ ప్రేక్షకులు సౌత్ మూవీస్ పై ఆసక్తి చూపుతున్నారు. తాజాగా దళపతి విజయ్ హీరోగా తెరకెక్కిన మాస్టర్ తమిళ మూవీ జపనీస్ వెర్షన్ జపాన్ లో రిలీజ్ కానుంది. ఇంతకు ముందు హీరో విజయ్ జపాన్ ప్రేక్షకులను గిల్లి మూవీ తో అలరించిన విషయం తెలిసిందే.
సెవెన్ స్క్రీన్ స్టూడియో బ్యానర్ పై లోకేష్ కనగరాజ్ దర్శకత్వంలో దళపతి విజయ్ హీరోగా తెరకెక్కిన యాక్షన్ ఎంటర్ టైనర్ మాస్టర్ తమిళ మూవీ 2021 జనవరి 13 వ తేదీ రిలీజ్ అయ్యి ఘనవిజయం సాధించి , బాక్స్ ఆఫీస్ బ్లాక్ బస్టర్ గా నిలిచింది. విజయ్ సేతుపతి , మాళవిక మోహనన్ ముఖ్య పాత్రలలో నటించారు. మాస్టర్ తమిళ మూవీ తెలుగు , కన్నడ , హిందీ డబ్బింగ్ వెర్షన్స్ కూడా రిలీజ్ అయ్యాయి. తాజాగా మాస్టర్ తమిళ మూవీ జపనీస్ వెర్షన్ నవంబర్ 18న జపాన్ లో రిలీజ్ కానుంది. స్టార్ హీరోవిజయ్ కి అన్ని భాషలోనూ అభిమానులు అధికమే.







