'ప్రభాస్' థ్యాంక్స్ ఫుడ్ తో స్పాయిల్ చేస్తున్నారు..!
Disha Patani Thanks Darling Prabhas For Sending Her Food To Project K Sets

పాన్ ఇండియా స్టార్ గా ప్రభాస్ ప్రస్తుతం వరుస సినిమాలతో బిజీగా ఉన్నాడు. ఒక సినిమా చేస్తూనే మరో సినిమా షూటింగ్ లో కూడా పాల్గొంటున్నాడు. ఇదిలా ఉండగా ప్రభాస్ తనతో పనిచేసే తోటి నటీనటులకు ఎలాంటి ఆతిథ్యం ఇస్తాడో ప్రత్యేకంగా చెప్పనవసరం లేదు. పలు రకాల వంటకాలను వారికోసం స్పెషల్ గా చేయించి పెట్టడం ప్రభాస్ కు అలవాటు. ఇక తాజాగా ఆ ఛాన్స్ బాలీవుడ్ బ్యూటీ దిశా పటానీ కి కూడా దక్కింది.
ప్రభాస్ హీరోగా నాగ్ అశ్విన్ దర్శకత్వంలో సైన్స్ ఫిక్షన్ నేపథ్యంలో ఓ భారీ ప్రాజెక్ట్ తెరకెక్కుతున్న సంగతి తెలిసిందే కదా. ఈసినిమా షూటింగ్ కూడా శర వేగంగా జరుగుతుంది. అయితే ఈసినిమాలో దిశా పటానీ కూడా ఒక పాత్రలో నటిస్తుంది. ఈనేపథ్యంలో ఆమె కూడా షూటింగ్ లో జాయిన్ అయింది. అక్కడ ఎప్పటి లాగే ప్రభాస్ తను స్పెషల్ గా చేయించిన వంటకాలను ఆమెకు కూడా రుచిచూపించాడు. ఇక ప్రభాస్ వంటకాలను రుచి చూసిన దిశా "థాంక్యూ ప్రభాస్... ఇలా ఫుడ్ పెట్టి మమ్మల్ని చెడగొడుతున్నందుకు థ్యాంక్స్ అని కామెంట్ పెట్టేసింది. ఇప్పుడు ఇది సోషల్ మీడియాలో వైరల్ అవుతుంది. ప్రాజెక్ట్ కేలో భాగంగా అమితాబ్, దీపికా పదుకొణెలకు కూడా ప్రభాస్ ఫుడ్ పంపించిన సంగతి తెలిసిందే.

బాలీవుడ్ హీరోయిన్ దీపికా పదుకొనె నటిస్తున్న ఈ సినిమాలో ఓ కీలక పాత్రలో అమితాబచ్చన్ నటిస్తున్నారు. వైజయంతి మూవీస్ బ్యానర్ పై ప్రభాస్ రేంజ్కి తగ్గట్టుగా నిర్మాత అశ్వినీదత్ ఈ చిత్రాన్ని పాన్ వరల్డ్ రేంజ్ లో భారీ బడ్జెట్తో రూపొందించనున్నారు. మిక్కీ జే మేయర్ ఈ సినిమాకు సంగీతం అందిస్తున్నాడు.








