సితార ఎంటర్ టైన్ మెంట్స్ బ్యానర్ పై సాగర్ కె చంద్ర దర్శకత్వంలో పవర్ స్టార్ పవన్ కళ్యాణ్ , నిత్యామీనన్ , రానా దగ్గుబాటి, సంయుక్త మీనన్ జంటలుగా సూపర్ హిట్ ”అయ్యప్పనుమ్ కోషియమ్ ”మలయాళ మూవీ తెలుగు రీమేక్ గా తెరకెక్కిన “భీమ్లా నాయక్ ” మూవీ ఫిబ్రవరి 25 వ తేదీ భారీ ఎత్తున రిలీజ్ కానుంది. “భీమ్లా నాయక్ ” మూవీ కి ప్రముఖ దర్శకుడు త్రివిక్రమ్ శ్రీనివాస్ డైలాగ్స్ , స్క్రీన్ ప్లే అందించడం విశేషం.థమన్ ఎస్ సంగీతం అందించారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
హైదరాబాద్‌ యూసుఫ్‌గూడ పోలీస్‌ లైన్స్ గ్రౌండ్స్‌ “భీమ్లా నాయక్ ” మూవీ ప్రీ రిలీజ్ ఈవెంట్ నిన్న గ్రాండ్ గా జరిగింది. ఈ ఈవెంట్ కు తెలంగాణ ఐటీ శాఖ మంత్రి, యువనేత కేటీఆర్ ముఖ్య అతిథి గా పాల్గొన్నారు. కేటీర్ మాట్లాడుతూ .. సూపర్ స్టార్లు, సినిమా స్టార్లు ఎందరున్నా పవన్ లెక్క వేరనీ , ఆయనది విలక్షణ వ్యక్తిత్వమనీ , ఆయన నటించిన “తొలిప్రేమ” మూవీ తనకెంతో ఇష్టమనీ , ‘నాలుగేళ్ల క్రితం మెగాపవర్ స్టార్ రామ్ చరణ్ నటించిన ధ్రువ సినిమా ఈవెంట్ కు వచ్చాననీ , ఇప్పుడు పవర్ స్టార్ సినిమా ఫంక్షన్ కు వచ్చాననీ , ప్రభుత్వ ప్రతినిధిగా కాకుండా పవన్ సోదరుడిగా ఇక్కడకు వచ్చాననీ , మొగిలయ్య లాంటి కళాకారులను వెలుగులోకి తెచ్చినందుకు చిత్ర బృందానికి థ్యాంక్స్ అనీ చెప్పారు.
పవన్ కళ్యాణ్ మాట్లాడుతూ .. చిత్ర పరిశ్రమకు రాజకీయాలు ఇమడవనీ , చిత్ర పరిశ్రమకు కులం, మతం లేదనీ , మా చిత్ర పరిశ్రమకు సహాయ సహకారాలు అందిస్తోన్న తెలంగాణ ముఖ్యమంత్రి కేసీఆర్ కు హృదయపూర్వక కృతజ్ఞతలనీ , “భీమ్లానాయక్” సినిమా ప్రి రీలీజ్ ఈవెంట్ కు వచ్చి , మా సినిమాను ప్రోత్సహిస్తున్న”రామ్ భాయ్ “, మంత్రి తలసాని గారికి ప్రత్యేక ధన్యవాదాలనీ , జై తెలంగాణ.. జై ఆంధ్ర.. జై భారత్ అంటూ, ప్రీ రిలీజ్ ఈవెంట్ కు వచ్చిన ప్రతి ఒక్కరికీ ధన్యవాదాలు తెలిపారు.
“భీమ్లా నాయక్ ” మూవీ ద్వారా ఎంతోమంది మేధావులను కలుసుకున్నాననీ , పవన్ కళ్యాణ్ తో వర్క్ చేయడం ఎంతో సంతోషంగా ఉందనీ రానా దగ్గుబాటి చెప్పారు. త్రివిక్రమ్ శ్రీనివాస్ సహకారంతోనే ఈ సినిమా సూపర్ గా వచ్చిందనీ , పవన్ నటించిన “పంజా” ఆడియో ఫంక్షన్ కు ఎంట్రీ దొరకలేదనీ ఇప్పుడు ఆయనను డైరెక్ట్ చేయడం చాలా గర్వంగా ఉందనీ సాగర్ కె చంద్ర అన్నారు.
పవన్ కల్యాణ్ సినీ ఇండస్ట్రీకి వచ్చి 24 ఏళ్లు గడిచినా ఆయనకు ఏ మాత్రం క్రేజ్ తగ్గడం లేదనీ , ” భీమ్లానాయక్ ” సినిమా మంచి హిట్ కావాలనీ సినిమాటోగ్రఫీ మంత్రి తలసాని యాదవ్ అన్నారు. “భీమ్లా నాయక్ “మూవీ తో టాలీవుడ్ కు పరిచయం అవుతున్న సంయుక్త మీనన్ మాట్లాడుతూ .. ఈ మూవీ లో నటించడం అదృష్టమని చెప్పారు. “ఖుషి” సినిమాలోని సిద్దు సిద్దార్థరాయ్ డైలాగ్ తో అదరగొట్టిన సంయుక్త మీనన్ తెలుగులో మాట్లాడడం విశేషం.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
