శివ నిర్వాణ దర్శకత్వంలో న్యాచురల్ స్టార్ నాని హీరోగా వస్తున్న సినిమా టక్ జగదీష్. వీరిద్దరి కాంబినేషన్ లో వస్తున్న రెండో సినిమా ఇది. ఇక ఈసినిమాను మొదట థియేటర్లలో రిలీజ్ చేద్దామని అనుకున్నా కొన్ని పరిస్థితుల వల్ల ఫైనల్ గా ఓటీటీలోనే రిలీజ్ చేస్తున్నారు. ఇక ఈవిషయాన్ని మేకర్స్ ఇప్పటికే అధికారికంగా ప్రకటించారు కూడా. సెప్టెంబర్ 10న అమెజాన్ ప్రైమ్లో విడుదల కానుంది టక్ జగదీష్.
ఇక రిలీజ్ కు ఎన్నో రోజుల టైమ్ లేదు కాబట్టి ప్రమోషన్స్ స్టార్ట్ చేశారు. ట్రైలర్ ను కూడా సిద్దం చేస్తున్నారు. ఈ నేపథ్యంలోనే తాజాగా నాని తన అభిమానులను తన ట్విట్టర్ ద్వారా స్పెషల్ రిక్వెస్ట్ చేస్తున్నాడు. టక్ జగదీష్ ప్యామిలీలో జాయిన్ అయ్యే టైమ్ ఇదే.. ప్రొఫైల్ పేరు ఛేంజ్ చేయండి.. ఇంకా టక్ జగదీష్ ట్రైలర్లో మీరు ఏం చూడాలనుకుంటున్నారో కూడా చెప్పమని పోస్ట్ చేశాడు. దీంతో ఫ్యాన్స్ ప్రొఫైల్ నేమ్ చేంజ్ చేయడంతో పాటు తమకు ఎలాంటి ఎలిమెంట్స్ కావాలో కూడా కామెంట్స్ రూపంలో చెబుతున్నారు.
N@NameisNani
It’s time to be a part of Tuck Jagadish’s family. Are you ready? Change your profile name and tell me in one word, what are you most excited to see in the Tuck Jagadish trailer
రీతువర్మ, ఐశ్వర్యా రాజేష్ కథానాయికలుగా నటిస్తున్న ఈ సినిమాను... సాహు గారపాటి, హరీష్ పెద్ది నిర్మిస్తున్నారు. ఇంకా ఈ సినిమాలో జగపతి బాబు, రావు రమేష్, నరేష్, నాజర్, దేవదర్శిని, రోహిణి, మాల పార్వతి, డేనియల్ బాలాజి,తిరువీర్, ప్రవీణ్ ప్రధాన పాత్రలు పోషిస్తున్నారు. ఈ చిత్రానికి థమన్ సంగీతం అందిస్తుండగా.. సినిమాటో గ్రఫీ ప్రసాద్ మూరెళ్ల అందిస్తున్నాడు.