సినిమా రిలీజ్ ల సంగతి పక్కన పెడితే టాలీవుడ్ యంగ్ హీరోలు ఒక్కోక్కరి లిస్ట్ లో మాత్రం మూడు నాలుగు సినిమాలు ఉన్నాయి. ఒక సినిమా అయిపోయిన వెంటనే మరో సినిమాను కంప్లీట్ చేస్తూనే ఉన్నారు. అందులో యంగ్ హీరో నాగశౌర్య కూడా ఉన్నాడు. ప్రస్తుతం నాగశౌర్య బ్యాక్ టు బ్యాక్ సినిమాలతో బిజీగా ఉన్నాడు. ఇప్పటికే నాగశౌర్య-రీతూవర్మ హీరో హీరోయిన్లుగా లక్ష్మీ సౌజన్య దర్శకత్వంలో వస్తున్న వరుడు కావలెను సినిమా షూటింగ్ పూర్తిచేసుకొని పోస్ట్ ప్రొడక్షన్ పనులు జరుపుకుంటుంది.
ఇక తాజాగా నాగశౌర్య మరో సినిమాను కూడా పూర్తి చేసుకున్నాడు. సంతోష్ జాగర్లపుడి దర్శకత్వంలో నాగశౌర్య హీరోగా స్పోర్ట్స్ డ్రామా నేపథ్యంలో వస్తున్న సినిమా లక్ష్య. ఇక కరోనా వల్ల ఈసినిమా షూటింగ్ కు పలు బ్రేక్ లు పడగా తాజాగా ఈసినిమా షూటింగ్ ను పూర్తి చేసుకుంది. ఇక ఈవిషయాన్ని చిత్రయూనిట్ అధికారికంగా పోస్టర్ రిలీజ్ చేస్తూ తెలిపింది.
I@IamNagashaurya
Anddd ! Its A WRAP 📣#Lakshya 🏹 Shooting Target Achieved ✅ The journey is memorable.❤️
కాగా శ్రీ వెంకటేశ్వర సినిమాస్ ఎల్ఎల్పి & నార్త్స్టార్ ఎంటర్టైన్మెంట్ ప్రైవేట్ లిమిటెడ్ కింద నిర్మిస్తున్న ఈ చిత్రంలో కేతికా శర్మ హీరోయిన్ గా నటిస్తుంది. ఆర్చరీ నేపథ్యంలో తెరకెక్కుతున్న ఈసినిమాలో నాగశౌర్య పార్థూ అనే పాత్రలో నటిస్తున్నాడు. కాల భైరవ సంగీతం అందిస్తున్నాడు.