'RC 15' కోసం మరో డైరెక్టర్..!
Kannada Movie Director Roped In To Help Shankar On His Upcoming Movie With Ram Charan

శంకర్- రామ్ చరణ్ కాంబినేషన్ లో ఓ భారీ బడ్జెట్ తో సినిమా రాబోతున్న సంగతి తెలిసిందే. ఇక ఈసినిమా ప్రస్తుతం ప్రీ ప్రొడక్షన్ పనుల్లో బిజీగా ఉంది. ఇక ఇటీవలే ఈసినిమాలో నటించే హీరోయిన్ ను కూడా కన్ఫామ్ చేశారు. ఎంతోమంది పేర్లు తెరపైకి రాగా ఫైనల్ గా కియారా ను రామ్ చరణ్ కు జోడీగా సెలక్ట్ చేశాడు శంకర్. ఎలాగూ ఆర్ఆర్ఆర్ సినిమా షూటింగ్ పూర్తయింది కాబట్టి త్వరలోనే శంకర్ ఈ సినిమా షూటింగ్ ను మొదలుపెట్టడానికి ప్లాన్ చేస్తున్నాడు.
ఇక ఈనేపథ్యంలో ఇప్పుడు ఒక ఇంట్రెస్టింగ్ న్యూస్ వినిపిస్తుంది. అదేంటంటే.. ఈసినిమా కోసం శంకర్ మరో డైరెక్టర్ హెల్ప్ కూడా తీసుకుంటున్నట్టు తెలుస్తుంది. డైరెక్టర్ శంకర్ స్క్రిప్ట్ను డెవలప్ చేసే పనిని కార్తీక్ సుబ్బారాజుకు అప్పగించారట. దీంతో కార్తీక్ సుబ్బారాజు ప్రస్తుతం స్క్రిప్ట్ను మరింత ఆసక్తిగా డెవలప్ చేసే పనిలో పడ్డాడట. మరి ఇందులో ఎంత నిజముందో తెలియాలంటే మేకర్స్ క్లారిటీ ఇచ్చేంతవరకూ వెయిట్ చేయాల్సిందే.
కాగా శ్రీ వేంకటేశ్వర క్రియేషన్స్ సమర్ఫణలో దిల్ రాజు నిర్మిస్తున్న ఈసినిమాలో చరణ్ పొలిటీషియన్ కనిపిస్తాడని ఇప్పటికే వార్తలు కూడా వచ్చాయి. మరి వీరిద్దరి కాంబినేషన్ లో వచ్చే సినిమా ఎలా ఉంటుందో తెలియాలంటే మాత్రం సినిమా వచ్చే వరకూ ఆగాల్సిందే..







