డెబ్యూకి రెడీ అయిన అభిరామ్
Rana Daggubati Younger Brother Abhiram All Set To Make His Movie Debut

దగ్గుబాటి కుటుంబం నుండి ఇప్పటికే రెండో తరం హీరోగా రానా కెరీర్ లో దూసుకుపోతున్న సంగతి తెలిసిందే కదా. వైవిధ్యమైన సినిమాలు, పాత్రలను చేసే హీరోగా ఇప్పటికే తనకంటూ ప్రత్యేకమైన గుర్తింపు తెచ్చుకున్నాడు. ఇక ఇప్పుడు ఇదే ఫ్యామిలీ నుండి రానా తమ్ముడు అభిరామ్ కూడా ఎంట్రీ ఇవ్వబోతున్నాడు. అభిరామ్ ఎంట్రీ ఇస్తున్నాడని ఇప్పుడు కాదు ఎప్పటినుండో వార్తలు వస్తున్న సంగతి తెలిసిందే కదా. అభిని హీరోని చేసే బాధ్యత సురేష్ బాబు… తేజకు అప్పగించాడు. ఈ కాంబినేషన్ లో ఓ సినిమా వస్తుందని చాలా రోజుల నుంచి ప్రచారం జరుగుతూ వచ్చింది. ఎట్టకేలకు ఈ చిత్రం ఈరోజు లాంఛనంగా ప్రారంభమైంది. ఆగష్ట్ నుండి సినిమా రెగ్యులర్ షూటింగ్ ను ప్రారంభించనున్నారు.
కాగా ఆనంది ఆర్ట్ క్రియేషన్స్ పతాకంపై పి.కిరణ్ నిర్మిస్తున్న ఈసినిమాకు ఆర్.పి.పట్నాయక్ సంగీతం అందిస్తున్నాడు. చాలా గ్యాప్ తరువాత తేజ,ఆర్.పి కాంబినేషన్ లో ఈసినిమా వస్తుంది. అంతేకాదు ఈసినిమాకు అహింస అనే టైటిల్ పెట్టనున్నట్టు కూడా తెలుస్తుంది. మొదట ఈసినిమాకు కృతిశెట్టి హీరోయిన్ ను అనుకున్నా. తనకు డేట్లు కుదరకపోవడంతో నో చెప్పింది. హీరోయిన్ ఛాన్స్ ఎవరికి దక్కుతుందో చూడాలి. మరి కొత్త హీరోలతో సినిమాలు చేసి హిట్స్ కొట్టడం తేజకు అలవాటే. అభిరామ్ కు ఎలాంటి సినిమా ఇస్తాడో చూద్దాం..







