కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

'సలార్' గ్రాండ్ లాంచ్

'సలార్' గ్రాండ్ లాంచ్

Prabhas and Director Prashanth Neel Salaar Movie Launch Ceremony Takes Place On A Grand Scale

ప్రస్తుతం ప్రభాస్ డైరీ నాలుగు పెద్ద సినిమాలతో ఫుల్ అయింది. అన్ని సినిమాలు పాన్ ఇండియా ప్రాజెక్ట్స్ సినిమాలే. ప్రస్తుతం ప్రభాస్ ‘రాధేశ్యామ్‌’ సినిమా చేస్తున్నాడు. ఈ సినిమా షూటింగ్ కూడా పూర్తి కావచ్చింది. ఇక ఇది సెట్స్‌లో ఉండగానే ‘మహానటి’ ఫేమ్‌ నాగ్‌ అశ్విన్‌ దర్శకత్వంలో ఓ సినిమాకి, ఓం రౌత్ దర్శకత్వంలో ‘ఆదిపురుష్‌’ సినిమాకి గ్రీన్‌ సిగ్నల్‌ ఇచ్చారు. ఇక ఇదిలా ఉండగా ప్రశాంత్ నీల్ తో మరో సినిమాను లైన్ లో పెట్టాడు. దీనికి సంబంధించిన అధికారిక ప్రకటన కూడా ఇప్పటికే వచ్చేసింది. ఈ చిత్రానికి ‘సలార్‌’ టైటిల్‌ని అధికారికంగా ప్రకటించి, ఫస్ట్‌ లుక్‌ను కూడా విడుదల చేశారు చిత్రయూనిట్.

తాజాగా ఈ సినిమాను హైదరాబాద్‌లో లాంఛనంగా ప్రారంభించారు. ఇక ఈ వేడుకకు కర్ణాటక డిప్యూటి సీఏం అశ్వత్‌ నారాయణ్‌, కన్నడ అగ్ర హీరో యష్‌, నిర్మాతలు, దిల్‌రాజు, దానయ్య ముఖ్య అతిథులుగా హాజరయ్యారు. ఈ సందర్భంగా ‘నాకు అవకాశం ఇచ్చిన నిర్మాత విజయ్‌ కిరగందూర్‌, ప్రభాస్‌కు ధన్యవాదాలు... యష్‌ ఈ రోజు మాతో ఉండటం ఆనందాన్ని కలిగించిందని.. ‘సలార్‌' మిమ్మల్ని నిరాశపరచదు’ అని ప్రశాంత్‌ నీల్‌ ట్విటర్‌ ద్వారా పేర్కొన్నారు.

కాగా ఈ సినిమాను హోంబలే ఫిలిమ్స్‌ పతాకంపై బ్లాక్‌ బస్టర్‌ మూవీ ‘కేజీఎఫ్‌’ నిర్మించిన విజయ్‌ కిరగందూర్‌ ఈ చిత్రాన్ని నిర్మించనున్నారు. ఇక ఈ సినిమాలో విలన్ పాత్రలో బాలీవుడ్ హీరో జాన్ అబ్రహాం నటిస్తున్నట్టు తెలుస్తుంది. ఇక హీరోయిన్ గా ఎవరు నటిస్తున్నారు... తదితరుల వివరాలు త్వరలో తెలియచేయనున్నారు.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్