కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

'కపటధారి' సెన్సార్ పూర్తి.. క్రిస్మస్ కు రిలీజ్

'కపటధారి' సెన్సార్ పూర్తి.. క్రిస్మస్ కు రిలీజ్

Sumanth Latest Movie Kapatadhaari Completes Censor Scrutiny and Is All Set To Release For Christmas

ప్రదీప్ కృష్ణమూర్తి దర్శకత్వంలో సుమంత్ ఇప్పుడు 'కపటధారి' అనే మరో డిఫరెంట్ కథతో వస్తున్న సంగతి తెలిసిందే. క‌న్న‌డంలో సూప‌ర్‌హిట్ట‌యిన `కవలుదారి` సినిమాకు ఇది తెలుగు రీమేక్‌. కన్నడలో రిషి పోషించిన ట్రాఫిక్ పోలీస్ సబ్ ఇన్‌స్పెక్టర్ పాత్రలో సుమంత్ నటించారు.ఈ సినిమా ఇప్పటికే షూటింగ్ ను పూర్తి చేసుకొని పోస్ట్ ప్రొడక్షన్ పనులు జరుపుకుంటుంది. ఇప్పుడు తాజాగా ఈ సినిమా సెన్సార్ పూర్తి చేసుకున్నట్టు తెలుస్తుంది.

ఈ మూవీకి సెన్సార్‌ కూడా పూర్తి కాగా సెన్సార్ బృందం ఈ సినిమాకు యు/ఎ సర్టిఫికేట్‌ ఇచ్చినట్టు తెలుస్తుంది. అలాగే సినిమా థియేటర్లు తెరుచుకునేందుకు ప్రభుత్వం అనుమతిని ఇచ్చిన విషయం తెలిసిందే. ఈ నేపథ్యంలో ఇప్పటికే పూర్తైన సినిమాలను థియేటర్లలో విడుదల చేసేందుకు సిద్ధమవుతున్నారు. ఇందులో భాగంగా సుమంత్ తన కపటధారి సినిమాకు విడుదల తేదిని ప్రకటించారు. క్రిస్మస్‌ కానుకగా థియేటర్‌లో కపటధారి విడుదల కానుందని మూవీ యూనిట్ ప్రకటించింది.

కాగా ఈ సినిమాను క్రియేటివ్ ఎంట‌ర్‌టైనర్స్ అండ్ డిస్ట్రిబ్యూట‌ర్స్ బ్యాన‌ర్‌పై డా.ధ‌నంజ‌యన్ నిర్మిస్తున్నారు. తెలుగు, తమిళ్ రెండు భాషల్లో ఈ సినిమాను తెరకెక్కిస్తుండగా... నాజ‌ర్‌, నందిత‌, పూజా కుమార్‌, వెన్నెల కిషోర్‌, జ‌య‌ప్ర‌కాశ్‌, సంప‌త్ ప్ర‌ధాన పాత్ర‌ల్లో న‌టిస్తున్నారు. త‌మిళ వెర్ష‌న్‌లో ఇత‌ర న‌టీన‌టులు న‌టిస్తున్నారు. ఇటీవ‌ల విడుదలైన విజ‌య‌వంత‌మై అర్జున్‌, విజ‌య్ ఆంటోని `కిల్ల‌ర్‌`చిత్రంతో మ్యూజిక్ డైరెక్ట‌ర్‌గా మంచి పేరు సంపాదించుకున్న‌సైమ‌న్ కె.కింగ్ ఈ చిత్రానికి సంగీతాన్ని అందించారు.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్